真機拼 HTC 10！魅族 MX6 版主上手，外型、跑分速睇！

就在剛剛，魅族又一部十核心手機要誕生了，佢就係 MX6。有留意剛才發佈會的網友們都知道，MX6 配備了A72 架構十核心處理器，內置 4GB RAM 以及 32GB ROM，而且相機部份亦比以前好大進步，對於呢個 specs，大家又滿唔滿意呢? 至於外型方面，從發佈會顯示的圖片讓版主覺得同 PRO 6 好相似，但實機睇落，又係咪真係咁似樣呢? 一齊睇下真機點嘅樣啦！



魅族 MX6 外型版主立即上手，俾大家睇真啲！

▲ 魅族 MX6 具有 5.5 吋屏幕，呢個屏幕大小，應該適合大部份的香港人吧！




▲ 魅族 MX6 具體大小係點呢? 大概就比 HTC 10 大少許。


▲ 也許「對稱式設計」今年的主流，今次 MX6 同樣係用上這種設計，呢點可以從屏幕上方的前置鏡頭以及 Sensor 位置見到。


▲ 至於屏幕的下方，會見到好似 PRO 6 一樣的 HOME 鍵，而呢個 HOME 鍵亦都同時配有指紋辨識。


▲ 即使係上手的感覺，都同 PRO 6 差不多，不過，版主覺得，魅族手機不嬲上手感幾好，我好中意。（實話黎架）


▲ 至於機背部份，其實亦都係成部 PRO 6 咁嘅樣，另外可以見到，「真係」如流出的諜照所說，都是採用「一刀切割」設計。不過，唔知點解版主都係覺得好似好明顯咁......


▲ MX6 今次在鏡頭部份下了苦功，配備了 1200 萬像素主鏡頭，並且用上 P9 感光元件的升級版－ IMX386。


▲ 機的底部會見到有喇叭以及 USB Type-C 插槽，還有就是 3.5mm 耳機孔。


▲ 機的左側配有 SIM 卡槽。


▲ 而右側則有音量鍵以及開關鍵。

MX6 跑分速試
睇完外型，版主就順手跑埋分俾大家睇。魅族 MX6 配備了 Helio X20 十核心處理器，內置 4GB RAM 以及 32GB ROM，而 GPU 則是用上最新的一代，相信玩一般大型遊戲都會無問題。至於安兔兔跑分方面，魅族 MX6 的跑分有 89554 分，相比 Samsung Note 5 還要高，而在跑分的過程中，MX6 機身有少許發熱，但整體來說不算嚴重。



魅族 MX6 發佈會 + 評測相關文章
4GB RAM 金屬機身，相機是重點? 魅族 MX6 發佈會現場直擊
二千五唔駛! 有華為 P9 影相效能! Meizu MX6 勁平
真機拼 HTC 10！魅族 MX6 版主上手，外型、跑分速睇！

魅族 MX6 在文章發表時，香港上市日期未定，按這裡有詳細規格及最新賣價。