抵玩千元「孝子機」!魅族 m5 Note 開箱 多角度評測試屏幕、相機、喇叭

左定坤 (Cho Ting Kwan) | Meizu
話說版主尋日就飛左去北京,出席今日舉行的「魅族 Note 新品發佈會」,無辦法去到 HTC Desire 10 Pro 的發佈會,所以就由版主 Keith 負責去。咁我在北京見到,配備 MTK Helio P10 的 HTC Desire 10 Pro,居然要賣成三千幾蚊,呢個定價似乎偏高了一點 (個人意見)。Helio P10 要去到甚麼價位,才會有吸引力呢?魅族 m5 Note,以同樣 4GB + 64GB 版本來看,1499 人仔又會唔會吸引呢?版主頭先就好極速同大家做個 Hands On,而家機已到手,就等版主再深入一點,同大家做個開箱評測吧!睇下文啦!

m5 Note(Facebook).jpg

魅族 m5 Note 開箱 + 上手後感!跟機火牛支持最高 18W 輸出
剛才在會場上,版主就好快咁影左相,做個安兔兔測試,等大家先看看魅族 m5 Note 係點嘅樣。由於時間比較急的關係,未能仔細感受一下 m5 Note 的手感,而家有機在手,終於可以慢慢感受一下。m5 Note 外型同上代 m3 Note 唔相差幾遠,都係啲擺位上嘅差別 (例如 3.5mm 耳機孔變左在機底),同樣用上全金屬機身,但係機身側邊部份會有切邊位,拎上手相比舊代無咁滑手。m5 Note 機身雖然比上代係薄了一點,但當左右手同時拎住 m5 Note 以及 m3 Note,會明顯感覺到,m5 Note 會相對墜手一點。不過平心而論,m5 Note 的造工,相比舊代確實有很大的進步。

IMG_5976.JPG
▲ 開箱!魅族 m5 Note 個盒同上代近乎一樣,只係純粹將「m3」變成「m5」。

IMG_5977.JPG
▲ 盒底會有基本的規格資料,版主手頭上呢部 m5 Note 係 3GB RAM + 16GB ROM 的低配版本。

IMG_5981.JPG
▲ 打開個盒,第一眼就會見到有部 m5 Note,而版主拿到的是銀色版本。

IMG_5984.JPG
▲ 版主拎哂所有嘢出黎,會見到配件方面會有 SIM 卡針、插頭以及 USB 線。

IMG_5985.JPG
▲ 在發佈會上,魅族表示 m5 Note 支持 18W 的 mCharge 快速充電,不過跟機的火牛,依然跟 Pro 6 Plus 的一樣,最高輸出可達 24W (即 12V / 2A)。

IMG_6000.JPG
▲ 頭先未看得清楚嘅,而家可以再睇真啲部機的外型。有 5.5 吋 2.5D 屏幕。

IMG_6015.JPG
▲ 屏幕上方會有 500 萬像素的前置鏡頭 + 感應器,不過感應器部份變成長條形,變左唔係好似 m3 Note 咁,用上「對稱式設計」。

IMG_6013.JPG
▲ 下方會有 mTouch 按鍵,並支持指紋辨識功能。

IMG_6028.JPG
▲ 有些人會覺得,mTouch 按鍵唔好用,如果以初用者來說,也許真的會有點不習慣。如果你要送俾長輩做「孝子機」的話,就可能需要一點時間去教,同時佢亦需要用一段時間去習慣。但版主早前好喜歡用 MX6,就習慣了這個相對特別的 mTouch 按鍵: 輕觸就會「返回上一頁」,而按下去就會出番去主頁。

IMG_6023.JPG
▲ 機背都係同以往一樣,用上了全金屬機身。

IMG_6024.JPG
▲ 具有 1300 萬像素主鏡頭,下方的閃光燈亦改為圓形。

IMG_6017.JPG
▲ 右側會有開關鍵以及音量鍵,值得一提的是,m3 Note 機側都係圓滑設計,導致拎上手感覺有點滑手,而今次 m5 Note,可以見到多左啲切邊,拎上手手感相對會更佳,而且無咁滑手。

IMG_6019.JPG
▲ 至於左側會有雙 SIM 卡槽,同樣用上了「三選二」的弧寒式設計,但就只支援 4G + 2G,最高支持 128GB microSD 卡。

IMG_6021.JPG
▲ 魅族上代的 m3 Note,曾經有網友同版主講過,3.5mm 耳機孔放在手機的頂部,是一個難以理解的設計,因為變相落雨時會好易入水。諗諗下又好似幾有道理,而睇番今代 m5 Note,終於將 3.5mm 耳機孔,變番在手機底部。m5 Note 沿用上代的 microUSB 插槽,並支持 mCharge 快速充電。

IMG_6029.JPG
▲ 拎上手手感真係不錯,至少造工上比上代有很大的進步,就算買部長輩做「孝子機」,都是一個唔錯的選擇。

跑分軟件試 m5 Note 上網、文書處理表現
剛才在發佈會現場,版主就拿拿聲做左個安兔兔跑分,俾大家先大概對呢部 m5 Note 有個概念。可以見到,m5 Note 在跑分上,相比上代確係有所提升,不過因為用上 MTK Helio P10 處理器,GPU 比較差的關係,在 3D 方面的分數,似乎並不理想。當然,這也是意料之內的事,但如果唔講打機,淨係睇在上網、睇片、處理文檔等方面的表現,又會如何呢?版主就用了 PCMark for Android 中的「工作 2.0」,看看 m5 Note 的表現如何。整體得分總分為 3134,這個分數大約是 HTC One M8 的成績吧!

S61206-224846.jpgS61206-224851.jpg
▲ 整體效能分數為 3134 分,大約是 HTC M8 的分數,而留意細分,可以見到 m5 Note 在「圖片編輯」分數是最高,即代表在打開、編輯、和保存一系列 4MP JPEG 圖像時,所需的時間應該算挺快。

少左個喇叭位?播歌表現會唔會細聲左或者差左?
唔知大家有沒有留意到,雖然 m5 Note 將 3.5mm 耳機孔搬到了機身底部,但相比 m3 Note,m3 Note 底部係有兩個喇叭位,而 m5 Note 卻少了一個喇叭位,得番一個。到底播歌表現會唔會差左呢?當然,魅族出 m3 Note 的時候,都無提過佢有乜嘢雙喇叭之類的物體,但版主就真係好好奇,想找出這個答案。於是乎,版主就用 m3 Note 以及 m5 Note,在 YouTube 上找了同一首歌曲,音量開到最大,比較一下兩部機聲音出來的感覺如何。結果是,雖然 m5 Note 喇叭位只有一個,不過出來聲音的推力,跟 m3 Note 可謂是不相伯仲。

IMG_6053.JPG
▲ 相比 m3 Note,m5 Note 在播放歌曲方面,跟上代不相伯仲,聲音同樣清晰、乾淨,不過版主個人稍嫌,即使開到最大聲,亦不算十分響亮。

屏幕可視角度、色差鬥 m3 Note
其實版主好似都一段時間無寫過手機的屏幕,點解忽然興起想寫呢?無他,因為版主突然留意到,咦,原來將 m5 Note 以及 m3 Note 屏幕亮度同時調到最光的時候,兩部機出來的顏色,原來係有所不同!以下版主會從屏幕的色準、細緻度、可視角度來作個簡單的比較,文字上真係一言難盡,就直接睇下下面圖片,等大家一齊比較一下啦!

IMG_6033.JPG
▲ 左圖為 m5 Note,右圖為 m3 Note。首先同時開啟白色的頁面,並將亮度調至最光,會見到 m5 Note 屏幕似乎有點偏紅,反而 m3 Note 的屏幕顏色相對準一點。

IMG_6036.JPG
▲ 揀左張美女圖出黎做比較,明顯會見到 m5 Note 的偏紅情況。

IMG_6039.JPG
▲ 同時放到最大,觀看髮絲部份的細緻度,則會發現 m5 Note 相比 m3 Note 清晰一點,比較有層次感。

IMG_6057.JPG
▲ 在可視角度方面,即使在側面看去的情況下,兩部手機都能夠清楚地顯示屏幕上的圖片。

千元手機影相咩貨仔?魅族 m5 Note 試相
魅族 m5 Note 跟上代一樣,都是配備了 1300 萬像素的主鏡頭,到底呢粒 1300 萬像素鏡頭,影出來的相片質素又如何呢?千元手機有咁嘅質素,你又收唔收貨?

P61206-203525.jpg  P61206-204214.jpg

P61206-204249.jpg  P61206-204334.jpg

P61206-220323.jpg  P61206-220425.jpg

P61206-220601.jpg  P61206-220639.jpg

P61206-220803.jpg  P61206-220909.jpg

P61206-220923.jpg  P61206-221448.jpg
▲ 當然,質素好難真係同市面嘅旗艦手機去比較,畢竟佢只係一部千元的入門手機,雖然只有 F2.2 光圈,在昏暗的環境下,放大來看會有少量雜訊,而且像「吸煙區」那幅圖般,景深效果並不太理想。然而,諗番佢個價錢,其實都可以收貨吧?網友點睇呢?

魅族 m5 Note 發佈 + 評測相關文章
魅族 m5 Note 發佈! 平價多彩 ! 不能不買的後備 + 孝子機?​
大電量入門機!紅米 Note 3 vs Zenfone 3 Max vs M5 Note
抵玩千元「孝子機」!魅族 m5 Note 開箱 多角度評測試屏幕、相機、喇叭

魅族 m5 Note 在文章發表時,香港上市日期未定,按這裡有詳細規格及最新賣價
廣告