即日開賣!千四蚊玩三星 U!魅族 M6s 有限時優惠,抵玩?

左定坤 (Cho Ting Kwan) | Meizu
不知網友是否還記得,魅族在 1 月時發表了一部千元系列新機 —— M6s (國內版叫 mBlu S6),除了小圓點回歸,而且仲用上三星 U + 三星相機,當時網友就覺得,價錢方面 OK 喎,不過果陣香港就未知幾時開賣。等咗差不多四個月,終於等到魅族 M6s 的香港開賣消息了!即日起正式有售,千四蚊入手,而且仲有限時優惠,又是否抵玩呢?睇下文啦!

魅族(Facebook).jpg

魅族宣佈 M6s 於今日 (即 5 月 8 日),正式在魅族網上商店、魅族專門店以及 csl. 有售,建議零售價為 $1399,顏色方面只有黑色一種選擇。記得當初在國內發表的時候,M6s 係有銀、金、藍、黑四種選擇,但而家連揀都無得俾你揀,會否影響到網友購買的意慾呢?關於呢個問題,其實在之前 Vivo X21 香港發表的時候,都曾經有同版主 Keith 討論過。當時我在好奇,點解 Vivo 唔喺香港推紅色,明明紅色幾靚幾特別吖。版主 Keith 表示,其實香港人係比較保守的,呢啲咁特別嘅顏色,個市場其實好窄,最後啲人都係買黑色。唔知大家又認唔認同呢?

另外,魅族 M6s 都會有限時優惠。由即日起至 6 月 1 日,只要購買 M6s 手機,除咗可以免費獲贈高清保護貼以及原裝保護套,讚好 Meizu HK Facebook 專頁,憑有效收據到魅族專門店更可免費換領 EP21-HD 耳機以及線控自拍桿一件。千四蚊買 M6s 仲有咁多嘢送,你又覺得抵唔抵呢?

prince1025_3_2a336237b30a28e10dd7bd8c9aa93732.jpg

按這裡亦都可以睇返版主之前的開箱評測

魅族 M6s 在文章發表時,香港建議零售價為 $1399,按這裡有詳細規格及最新賣價
廣告