csl. 紅米 Note 劏機換 Plan 抵唔抵？最平方法版主同你計！

今日 ( 7 月 8 日) 係紅米正式係香港開賣既日子，有冇網友又去左「搶米」呢？其實版主可以同大家講唔使去搶，因為 csl. 今日都都同步預訂紅米，只要上台就可以買得到！不過尋日 PCCW 同埋 One2free 合併做 csl. 之後 10GB 月費加價 30%，紅米 Note 月費會唔會跟住加價呢？版主 Eddie 就同大家計過月費，想知道邊個方案比較抵玩？劏機又有冇著數？ Click 入黎睇睇啦！


▲紅米 Note (增強版） 有幾多網友真係搶得到？版主發現平價限時機票都冇咁難搶
 

csl. 紅米 Note 月費抵唔抵？版主同你格價睇抵玩方案！

紅米 Note 被「秒殺」應該是常識吧，今次 12 點在小米網站的紅米 Note 又係 1 分鐘被完全秒殺，真係唔知點樣先搶得到。不過今次紅米 Note 未必炒得起，因為 csl. 亦都推出左紅米 Note 月費計劃，版主去過門市問店員話可以預訂，亦相信好快到貨，暫時問過貨源都係充足比上台客戶既。至於月費方面，尋日都同大家講過 10GB 以上月費被取消，大用量去到 20GB 既網友分分鐘要比 $600 ，呢個月費又會唔會抵啲呢？

咁樣如果「劏機」賣紅米會唔會有抵玩既月費？版主研究過，如果 10GB 用量支出扣除紅米 Note 既機價 $1,239 ，除番開 18 個月平均月費係 $369 ，比起 10GB 月費 $400 係平左少少，不過仍然比起中移動既 $310 月費同埋 3香港既 $360 10GB 月費貴；真正「抵玩」既係 5GB 月費，扣除機價平均支出 $229 ，比起 csl. 帶機上台 $260 月費平。當然紅米 Note 用黎劏機仍然有風險，未必可以原價回收，值唔值得博就真係見仁見智啦。