主題:紅米 2 極速抵港開箱!雙卡雙 4G 千二有找!

ePrice HK
  • 發表時間:2015-01-13 18:22
    隨著以超高性價比為賣點的魅族魅藍 note 係上年推出,相信小米壓力應該係前所未有咁大。原因無他, 5.5 吋 FHD 大芒連八核仲要 4G 雙卡都不過係 999 人仔,紅米 Note 都唔夠佢高性價比。當然,小米同樣有應對方法,就係推出售價更平的紅米 2 。同之前香港推的紅米 Note 4G 唔同,今次紅米 2 唔單止支援 4G,仲係雙卡雙待雙 4G ,水貨賣價千二蚊唔洗!版主今次就同大家做一個極速的開箱,有興趣的朋友不妨睇完發表下意見啦!

    紅米 2 極速抵港開箱!雙卡雙 4G 千二有找
     

    支援自動切換 4G !聯通版要小心 D

    紅米 2 雖然早係 1 月 9 號已經係大陸開售,但香港版行貨正式發售日期就仍然未有。不過同以往一樣我地當然會有水貨率先玩到,今次到港的紅米 2 就係聯通雙卡 4G 版。換句話講,係頻段上呢部紅米 2 所支援 4G 頻段只有FDD-LTE 1800,2100 同埋大陸 TDD-LTE 頻段 B41(2600 Unicom)。係香港會用唔到 FDD-LTE 2600 頻段以及 中移動大陸頻段 B38 (2600 CMCC)、B39 (1900)、B40 (2300) ,即係用唔到 CMHK 的中港 4G 漫遊。如果大家想入手支援中國移動雙卡 4G 版本,即支援大陸 TD-LTE 頻段同埋香 FDD-LTE 1800 以及 2600 頻段呢個版本將會稍後先抵港,賣價會比聯通雙卡 4G 版貴少少。聯通 4G LTE 雙卡版本為 : HK$1150,稍後推出的中國移動 4G 4G LTE 雙卡版,暫定 HK$1180 。

    係規格方面,紅米 2 就用上 4.7 吋 720 x 1280 解像度屏幕、 Qualcomm S410 1.2GHz 搭配 1GB RAM 以及內置 8GB 容量(可以插 MicroSD 卡,最大 32GB )。相機方面就係 800 萬像素主鏡頭同埋 200 萬像素前鏡頭,係電池容量方面就用上 2200mAh 可換式電池。

    紅米 2 極速抵港開箱!雙卡雙 4G 千二有找
    紅米 2 包裝同以往小米手機一樣頗為簡單,跟機只有充電器同 USB 線。

    紅米 2 極速抵港開箱!雙卡雙 4G 千二有找
    紅米 2 所用的電池容量為 2200mAh 。

    紅米 2 極速抵港開箱!雙卡雙 4G 千二有找
    機背有一點值得大家留意,以往小米手機好多都用上左鋼琴面烤漆,今次紅米 2 就用左磨砂質地,終於可以告別手指模啦。


    紅米 2 極速抵港開箱!雙卡雙 4G 千二有找
    ▲ 作為雙卡雙待雙 4G 手機,紅米 2 用 Micro Sim 卡。另外,版主試用時亦能夠順利以 csl. 網絡接收 4G 訊號。

    紅米 2 極速抵港開箱!雙卡雙 4G 千二有找
    ▲ 以聯通 4G 雙卡版來講,兩個 SIM 卡槽都可以放置 4G 上網卡,而且同 HTC 雙卡 4G 手機一樣,紅米 2 聯通 4G 雙卡版都有自動切換 4G 功能。版主試用過,當紅米 2 改用 Sim 卡 2 連接 4G 訊號係需要一段時間的(最少 1 分鐘左右)SIM 2 就會會用到 2G GSM。但要留意,大陸紅米 2 係有 3 個版本,只有移動雙卡 4G 版 同埋聯通 4G 雙卡版做到雙 4G 功能,而且各款紅米 2 支援頻段亦都唔同,想買水貨機的朋友入手前就要睇清楚!


    機身大小適中手感令人滿意

    以外型大小同埋重量來講,紅米 2 只係重 133g ,拎上手當然唔會覺得墜手,版主仲覺得稍嫌有點太輕,但配合埋機身大小來講相信會幾岩女士。係機身大小方面,可能因為版主唔太習慣大屏幕手機,版主反而覺得只有 4.7 吋芒的紅米 2 手感岩岩好,即使手機厚度係 9.4mm 並唔算薄,但拎上手感覺上手機唔太大又唔會太細。不過能否完全做到單手操作呢?就好視乎用家隻手的大小啦,版主勉強做到。總括來講紅米 2 係手感上係做得尚算唔錯,應該可以令大家滿意。

    紅米 2 極速抵港開箱!雙卡雙 4G 千二有找
    按鍵分佈同紅米 1S 一樣,音量鍵同鎖機鍵位於手機右邊,Micro USB 係機底位置。

    紅米 2 極速抵港開箱!雙卡雙 4G 千二有找
    拎上手感覺大小適中,配上磨砂質地的機背整體手感算係唔錯。


    紅米 2 極速抵港開箱!雙卡雙 4G 千二有找 紅米 2 極速抵港開箱!雙卡雙 4G 千二有找
    ▲ 係屏幕方面,雖然紅米 2 只係得 720p 解像度,但其實使用上感覺唔差,清晰度同細緻度都足夠,問題反而在於屏幕亮度同可視角度都稍為不足。雖然只係用 HD 720p 解像度,但紅米 2 的 IPS 屏幕仍算清晰同埋細緻,反而可視角度唔算好,側邊睇亮度會頗為不足。

    紅米 2 極速抵港開箱!雙卡雙 4G 千二有找
    一向既往,紅米 2 亦用上熱感式按鍵,同樣係 Menu 、 Hone 、 Back 配合。

    另外,因為今次到港的紅米 2 係水貨,所以並無原生 Google 服務,由於紅米 2 只係岩岩到港,係入手的時候就要問清楚店家能唔能夠裝上 Google 服務啦。而係軟件方面,紅米 2 搭載 Android 4.4.4 而 Miui 版本就係 6.2.4 。 最後簡單同大家分享一下紅米 2 跑分表現,

    紅米 2 極速抵港開箱!雙卡雙 4G 千二有找
    ▲ 紅米 2 硬件規格( Qualcomm S410 1.2GHz 搭配 1GB RAM )與同樣係以 4G 雙卡作為賣點的 Samsung Galaxy A3 同埋 HTC Desire 620 一樣,跑分亦可以用上述兩部機成績作為參考係 Quadrant Standard 跑分方面紅米 2 分數係 11077 ,比 A3 同 Desire 620 的萬二分水平稍低。而係安兔兔方面,紅米 2 分數係 19910 ,比 Desire 620 的 19735 分同 Galaxy A3 的 18895 分高少少。

    紅米 2 極速抵港開箱!雙卡雙 4G 千二有找
    ▲ 係圖像表現方面,紅米 2 就比 Desire 620 同埋 Galaxy A3 略差,係 Basemark 2.0 上面紅米 2 表現係 25.21 fps ,而 Desire 620 係 26.29fps只得 qHD 芒嘅 Galaxy A3 就更高,接近 40fps 。

    簡單來講,因為硬件規格分別唔大的關係,紅米 2 係效能表現上其實同 Desire 620 以及 Galaxy A3 相當接近,要分到高下實在唔容易。

    紅米 2 極速抵港開箱!雙卡雙 4G 千二有找
    ▲ 首先要留意因為今次紅米 2 係大陸水貨,所以跟機並無原生 Google 服務。另外 MIUI 版本係 6.2.4.0 ,相機介面就同 IOS 好似。

    總結:版主今次簡單試用過紅米 2 之後,大抵上係手感同埋屏幕方面都覺得滿意,如果睇返 $ 1150 呢個售價而言亦都可以話係高性價比(相對規格相近的 Galaxy A3 同埋 Desire 620 賣價都係兩千幾水平來講)。當然啦,係規格上同已經係大陸推出左的魅藍 note 相比紅米 2 明顯及唔上對手,對規格較有要求的朋友來講魅藍 note 就可能更適合。

    在文章發佈時,紅米 2 仍未在港開賣,水價價錢 HK$1150 (聯通 4G 雙卡版本) ,按此看詳細規格及最新賣價。

    查詢: K Digital 27299881

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • 小米 紅米2
    • 現時售價: 已下市
    • 尺寸: 134 x 67.2 x 9.4 mm / 133 g
    • 電池: 2200 mAh
    • 插卡: microSD
    • 螢幕: 720 x 1280、 4.7 吋 IPS TFT
    • 相機: 800 萬像素CMOS
    • 顏色: 白/灰/黃/綠/粉
    • 時間: N/A
    • 上市: 2015-02-10
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔