點解 4i 唔支援 SD 卡?小米副總 Hugo Barra :插卡已 OUT

Lawrence | 小米
今次小米對小米 4i 係香港的發佈會相當重視,副總裁 Hugo Barra 更加親自來港介紹呢部新機。但真正的戲玉其實係發佈會後 Hugo Barra 同香港記者交流的環節啊!對於小米 4i 不少朋友都對佢不能插卡又不能換電感到失望,Hugo 在記者追問下就解釋左當中原因,一齊睇睇 Hugo 點講啦!

//timgm.eprice.com.hk/hk/mobile/img/2015-05/05/201905/lawrencelaw_3_4568_0d833b585e2e998dd572509fd5b68d1e.jpg

會否推大容量 4i 睇市場反應

小米副總裁 Hugo Barra 今日 5/5 係香港參予小米 4i 的發佈會。小米 4i 是品牌旗下專攻中國大陸以外的市場的頭炮,上市地方以東南亞及印度為主。小米 4i 在之後跟香港嘅媒體面談,版主都有參予,期間 Hugo 談及怎樣看一部旗艦手機。Hugo  就指出「手機支援 SD 卡係一種將會被淘汰的設計」,當中原因除左因為影響用戶體驗之外,大容量記憶體價錢逐步下降亦係一個重要因素。所以大家可以預期,往後小米手機的方針都會傾向不再支援插卡啦。

另外, Hugo 再補充係小米 4i 加多個 SD 卡的插槽將會令到小米 4i 係電量同厚度上都要作出一定的犧牲,而且 SD 卡的表現實在不可靠,例如不同 SD 卡的速度都不同。換句話講, SD 卡對於手機能給予用家的體驗有住不太好的影響就係小米最終決定不在小米 4i 上不加上 SD 卡槽的主因了。

不過,不支援插卡唔代表小米 4i 不可以有更大的容量,版主問到似乎外界覺得小米 4i 只有 16GB ROM 不太夠用,會否推出大容量版小米 4i 時, Hugo Barra 就回應目前小米的確係有呢個計劃,但就未到生產階段,因為「好多時人們會口中提到這是想要的東西,並不是他們真正需要的」,所以會否推出大容量版本仍然係視乎用家反應而定。

//timgm.eprice.com.hk/hk/mobile/img/2015-05/05/201905/lawrencelaw_3_4568_9074f26ddd77248618fb0b982d596a21.JPG
除左較多朋友關心的插卡同換電之外, Hugo Barra 都提到用上小米 4i 用上香港愈來愈少人用的 Micro Sim 卡原因。原來,除左香港同新加坡之外,小米 4i 所針對的其他市場好像印度等, Nano Sim 卡仍未係好普及,為左照顧其他市場的需要小米 4i  唯有作出取捨啦。

粒電夠大,外置充電器更多人想要

除左不能插卡之外,小米 4i 唔能夠換電都係一個不少朋友覺得可惜的地方。 Hugo Barra 就解釋到小米 4i 之所以不能夠換電除左因為本身手機用上左一體成型的外型設計之外,更重要係因為對呢部有 3120mAh 電量的小米 4i 充滿信心,用家基本上可以用足 1.5 日而不用充電。另外一個原因就係因為手機外置電池同外置電池充電器的銷售數據都支持推出不能換電手機呢個決定。

//timgm.eprice.com.hk/hk/mobile/img/2015-05/05/201905/lawrencelaw_1_4568_cc80521e2cf5f3827e5622564658282a.jpg
雖然不能換電,但小米就對小米 4i 的電池表現好有信心,不過看來網友們都係擔心得 16GB 容量不夠用多過電量唔夠用⋯⋯

唔知大家又點睇今次 Hugo Barra 對於小米 4i 不能插卡同埋換電的解釋呢?大家不妨留言講講啦!icon

小米 4i 發佈會相關文章:

小米 4i 發佈! 千六蚊有 八核 CPU 跑分四萬分
平價 FHD +高效能大戰!小米 4i 鬥魅藍 Note、ASUS Zenfone 撐邊部?
[多圖]五模多頻 + 新 S615 處理器!小米 4i 真機上手極速睇


無須預約!小米 4i 定價+開賣日期確認!有驚喜嗎?
$1,599 搶唔搶?版主分析小米 4i 衝/唔衝五大理由!
點解 4i 唔支援 SD 卡?小米副總 Hugo Barra :插卡已 OUT
米粉們夢想即將幻滅?傳聞香港的小米之家竟然是…

在文章發佈的時侯,小米 4i 香港定價為 $1,599,按此看詳細規格和最新賣價。

廣告