1. 一如所料！紅米 3 以平價超大電為賣點
之前小米官方發佈的紅米 3 宣傳圖已經提到，紅米 3 將會好似「大哥」紅米 Note 3 一樣，配備超大電池，以手機續航力作為賣點。同上一代紅米 2 相比，紅米 3 的通話時間長左 80% ，官方強調可以「近三天所需電量」。除左有大電之外，紅米 3 亦有 5V/2A 快速充電。
▲ 由紅米 Note 3 已經可以見到小米有意放棄可換式電池設計改為配備大電，紅米 3 亦一樣。
2. 配備大電卻不算很厚，不能換電是趨勢？
另外，紅米 3 雖然有大電，但機身厚度為 8.5mm ，不算很厚。小米係官網上提到，這是因為紅米的「電池能量密度」已經提升至 685Wh/L ，又提升了工藝水平。另外，紅米 3 重量為 144g ，對比上一代紅米 2 的 133g 只係重左 11g 左右。之前版主虎仔就同大家分享過 2016 年手機預測，大電手機有望用上較薄身的外型，紅米 3 算唔算係呢？
▲ 係外型上，紅米 3 有灰、銀、金三色（好似差玫瑰金未出？）
3. 屏幕停留 720p 解像度
小米係推出 5 吋芒手機時，以往有兩種處理手法，當中「小米系列」手機好似小米 4i 就會有 FHD 解像度，而「紅米系列」好似紅米 2 就只有 HD 解像度。來到 2016 年，小米係呢方面處理手法是沒有變的，因為紅米 3 都係只有 1280x 720 解像度，但就有其他小米手機都有的「陽光屏」、「夜光屏」等等功能。
▲ 現時只有 1280 x 720 解像度的手機已經唔多了，大家又覺得 5 吋芒的紅米 3 未有 FHD 解像度算唔算係問題？
4. 將 Qualcomm S616 打落百元規格
其實， Qualcomm S616 呢個目標都係中階機型的處理器，一早已經比另一間大陸廠商－華為，用在百元機之中，所講的就係版主都試玩過的 Honor 5X 。（反而都係用左 S616 的 G7 Plus 香港定價差不多要三千⋯⋯），今次小米都將 S616 用了在紅米 3 身上，再配上 2GB RAM 以及 16GB 內置容量。係效能上可能比不上紅米 Note 2 、 3 ，但對比上代紅米 2 只有 S410 處理器，算係咁啦
▲ 紅米 3 用上的 S616 處理器，唔知會否成為今年千元樓下價位手機配置的標準？
5. 比紅米 Note 3 更好？紅米 3 支援插卡
因為呢個係網友們都相當重視的一環，今次版主就拆出來講。紅米 Note 3 雖然定價同規格都算不錯，但係消費者反應明顯唔及紅米 Note 2 咁好，當中無得插卡相信係主因。今次紅米 3 雖然只有 16GB 內置容量，但係支援插卡，最大 128GB 。
▲ 今次紅米 3 支援 Micro SD 卡，但又用左與 SIM 卡共用插槽的設計⋯⋯
6. 定價 699 人仔，紅米 3 明天大陸開賣（更正：仲要係全網通版本）
最後一點就係價錢同日期了，因為紅米 3 聽日先正式開賣，所以價錢方面詳細情況都未清楚，目前只係知價錢係 699 人仔（約為 $822 港幣），另外從官網資料可以見到紅米 3 支援聯通、移動以及電訊，係全網通手機，當然在香港係可以用到！唔知大家又點睇呢部小米新百元機呢？留言講下啦！
▲ 價錢上紅米 3 定價為 699 人仔。
來源：小米cn官網