主題:新舊大對決!紅米 Note 3 全網通 效能、相機版主全面試

ePrice HK
  • 發表時間:2016-02-03 14:49 收錄檢舉
    係紅米 Note 3 全網通版本推出之後,一般網友看法都係正面的。因為對比雙網通版本,紅米 Note 3 除左係相機方面用上更高像素同光圈的 1600 萬像素主鏡頭之外,更重要係放棄了問題多多的 MTK Helio X10 處理器,改用返 Qualcomm 的 S650 。同樣地,大家對於新機相信都會抱持著同一個疑問,全網版價錢就賣得貴左,但表現又值唔值,會唔會比上一代好先?睇完下文就知啦!

    全面提升?效能、相機對決前代 紅米 Note 3 全網通版主試
     

    紅米 Note 3 全網通 VS 紅米 Note 3 雙網通,有甚麼不同

    話說近排唔少手機都湧現左「死機潮」,先係有 LG 承認 G4 在硬件上有缺撼,緊接著仲有小米成為另一個焦點。不過,小米的紅米 Note 3 就唔係因為硬件有問題而死機,而係因為官方 OTA 推送的升級包有問題⋯⋯所以嘛,大家如果有意入手大陸版紅米 Note 3 的話,版主先要提大家,如非必要,唔好多手 Update 。(事實上,唔少大陸機係升級方面都有「愈升愈有 Bug」呢個問題。而小米大陸版本升級有幾兒戲,版主都領教過,早前就試過用小米平板 2 OTA 升級之後,竟然變成開發版,啲 Bug 多到差點完成不了整個試玩過程⋯⋯)

    好,回到正題!同之前版主都試玩過的紅米 Note 3 雙網版相比,紅米 Note 3 全網通又有甚麼不同呢?主要有四點嘅。第一係全網通,但因為中國電信 CDMA 一般港人不太常用,分別不大。而係屏幕上,小米就標榜紅米 Note 3 全網通有「高級版陽光屏」。另外,係相機方面,紅米 Note 3 全網通就改用支援相位對焦, f2.0 大光圈的 1600 萬像素鏡頭。而處理器就由 Helio X10 改為 Qualcomm S650 。

    不過,最重要都係紅米 Note 3 全網通加入左 SD 卡的支援。雙網通版本的紅米 Note 3 因為不支援 SD 卡,某程度上可以話係半強逼用家入手 32GB 內置容量的高配版。(除非只有 16GB 內置容量夠閣下使用)而紅米 Note 3 全網通版就支援最大 128GB SD 卡,呢個改變相當重要呢!以下版主就會集中係屏幕、效能、相機呢三方面作出比較。
     
    全面提升?效能、相機對決前代 紅米 Note 3 全網通版主試
    ▲今次版主試的紅米 Note 3 全網通版,因為之前都試左雙網通版了,所以就唔再重覆開箱啦!

    全面提升?效能、相機對決前代 紅米 Note 3 全網通版主試
    ▲外型方面⋯⋯其實兩部機係一樣的,外觀上係分唔出兩者之別,版主都係用 CPU Z 來區分。icon

    全面提升?效能、相機對決前代 紅米 Note 3 全網通版主試
    ▲紅米 Note 3 全網通版保持一貫大陸手機特色,用左 SIM 卡與 SD 卡槽共用的設計。

    全面提升?效能、相機對決前代 紅米 Note 3 全網通版主試
    ▲ SD 卡最大可以支援 128GB ,所以 32GB 卡當然都用到。

    全面提升?效能、相機對決前代 紅米 Note 3 全網通版主試
    ▲ 大家放大可以看到,全網通版用的是六核心 Qualcomm S650 處理器,也是整部手機重點所在!
     

    加了「高級版陽光屏」的紅米 Note 3 全網通版,屏幕反而較暗

    如果大家以為紅米 Note 3 全網通版一定會比起前代好的話,相信將兩部機一拎起手比較的話,即時會有點猶疑。因為而屏幕來講,紅米 Note 3 全網通版即使開到最光猛,都明顯比較暗。即使小米提到新一代紅米 Note 3 的屏幕有「像素級動態對比度調整技術」,但係光度上同上一代比卻明顯輸左,實在好難話有進步呢。

    全面提升?效能、相機對決前代 紅米 Note 3 全網通版主試
    ▲ 左邊係全網通版紅米 Note 3 ,右邊就係雙網通版。

    全面提升?效能、相機對決前代 紅米 Note 3 全網通版主試
    ▲ 光暗度上兩者分別都幾明顯,左邊的全網通版明顯偏暗呢!

    全面提升?效能、相機對決前代 紅米 Note 3 全網通版主試
    ▲ 可視角度上,兩者都差不多。
     

    效能提升近一倍!紅米 Note 3 全網通仲勁過 Samsung A9!

    係效能方面,實在係一個相當有睇頭的對決。一方面雙網通版紅米 Note 3 用上 MTK 定位中高階的 Helio X10 處理器,效能有一定保證。而紅米 Note 3 全網通版就用上左 Qualcomm 新一代處理器 S650 (原本叫做 S617),由 ARM Cortex-A72 雙核搭配 ARM Cortex-A53 四核組成, GPU 係 Adreno 510 。 從多個跑分結果可以見到,基本上紅米 Note 3 全網通版係全面壓倒前代,而且安兔兔成績比起用上八核 Qualcomm S652 處理器 Samsung Galaxy A9 還要高,令人意外。(附上連結供大家參考紅米 Note 3 的表現

    全面提升?效能、相機對決前代 紅米 Note 3 全網通版主試
    ▲ 紅米 Note 3 雙網通版,在安兔兔 6.0 版本上,得分五萬不到。但全網通版就能夠上到接近八萬分,仲高過 Xperia Z5⋯⋯

    全面提升?效能、相機對決前代 紅米 Note 3 全網通版主試
    ▲ 係 Vellamo 方面,紅米 Note 3 全網通版係 Chrome 瀏覽器上,表現相當出色。而且單核方面都高雙網通版一倍。

    全面提升?效能、相機對決前代 紅米 Note 3 全網通版主試
    ▲在 Basemark 2.0 上有 59.93 FPS 呢個成績也是令人滿意。
     

    1600 萬像素相機鬥前代,分別不大?

    來到相機方面,呢部份比較難講,所以版主個分為整體以及較為細微的地方去講。如果大家以為紅米 Note 3 全網通版本將相機升到 1600 萬像素同 f2.0 光圈之後,成像質素或者細緻度會大大提升,恐怕最後都係會失望。因為版主不論從手機還是在電腦上看,都不易看出兩者有相當明顯的分別。呢方面其實都可以理解,因為大陸千元機同旗艦機,其中一個分野比較大的地方就係相機表現,百元/千元價位的手機影相出色的真係⋯⋯應該無!(老實講,個人覺得大陸機之中只有 Mate 8 或者 Oppo 手機係影相方面才算有不俗的表現)

    所以,以下版主就將紅米 Note 3 全網通以及紅米 Note 3 雙網通兩組相片放出來,比大家估一估邊一組相片先係紅米 Note 3 全網通的。可以咁講,拍攝 A 組相片的手機係操作上,不論係對焦還是反應,都比較順手以及準確,而且顏色方面比較能還原現場情況,但有時略嫌有點偏暗。

    A                                                                                     B
    全面提升?效能、相機對決前代 紅米 Note 3 全網通版主試 全面提升?效能、相機對決前代 紅米 Note 3 全網通版主試

    全面提升?效能、相機對決前代 紅米 Note 3 全網通版主試 全面提升?效能、相機對決前代 紅米 Note 3 全網通版主試

    全面提升?效能、相機對決前代 紅米 Note 3 全網通版主試 全面提升?效能、相機對決前代 紅米 Note 3 全網通版主試

    全面提升?效能、相機對決前代 紅米 Note 3 全網通版主試 全面提升?效能、相機對決前代 紅米 Note 3 全網通版主試

    全面提升?效能、相機對決前代 紅米 Note 3 全網通版主試 全面提升?效能、相機對決前代 紅米 Note 3 全網通版主試

    全面提升?效能、相機對決前代 紅米 Note 3 全網通版主試 全面提升?效能、相機對決前代 紅米 Note 3 全網通版主試

    全面提升?效能、相機對決前代 紅米 Note 3 全網通版主試 全面提升?效能、相機對決前代 紅米 Note 3 全網通版主試
     

    小結:紅米 Note 3 全網通比前代吸引力大多了

    雖然係屏幕以及相機上,紅米 Note 3 全網通版其實唔算好好多,但係單係處理器改用了 Qualcomm S850 ,在效能上如此出色的表現,再加上 MTK 處理器又多問題,已經有足夠的理由還版主作出紅米 Note 3 全網通比起雙網通更值得入手呢個結論。如果在香港方面,小米最後決定引入紅米 Note 3 全網通版,相信會係一部幾有競爭力的千元機,再加上不支援 SD 卡呢個為人詬病的缺點都改正埋。唔計外型造工上的問題,其實都無乜好挑剔了。現時,紅米 Note 3 全網通的高配版賣價約為 $1780 ,而標準版大約就係 $1580 。價錢不算平,但相信係農曆新年過後,價錢會回落唔少吧!

    (對了,兩組圖片當中, A 組是紅米 Note 3 全網通版,而 B 組就是雙網通版。所以前者在軟件方面的改善其實比起硬件的改動更明顯一點呢!)

    鳴謝:Lucky Digital Store 好運數碼 ( 5465-5886 )

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • 小米 紅米 Note 3 (3GB)
    • 現時售價: 已下市
    • 尺寸: 150 x 76 x 8.65 mm / 164 g
    • 電池: 4000 mAh
    • 插卡: microSD
    • 螢幕: 1920 x 1080、 5.5 吋 IPS TFT
    • 相機: 1600 萬像素CMOS
    • 顏色: 金/銀/灰
    • 時間: N/A
    • 上市: 2016-03-23
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
  • 發表時間:2016-02-14 21:40 檢舉
    Lawrence說:
    係紅米 Note 3 全網通版本推出之後,一般網友看法都係正面的。因為對比雙網通... 恕刪
    全網通鏡頭其實係好啲, 低光問題唯有自己手動曝光補償
    02樓 ▲TOP 回列表頁