128GB 版本會現身?速看 Android One 小米 A2 賣價 + 上市資訊

左定坤 (Cho Ting Kwan) | 小米
自小米同 Google 合作推出 Android One 手機之後,不少網友都開始對小米手機有興趣。係嘅,Android One 同 MIUI 俾你揀,正常都應該會揀 Android One,起碼有返原生系統的體驗吧?小米 Android One 手機,終於來到第二代,用上 S660 處理器,4GB + 64GB 版本賣價就尋晚已經爆咗俾大家知,咁到底香港會唔會出埋台灣無賣嘅 6GB + 128GB 版本呢?下文話你知!

小米(Facebook).jpg

根據小米香港發佈會上的消息,小米 A2 香港果然跟台灣一樣,只有 4GB + 64GB 一個版本,顏色有紅、藍、金、黑四種,而建議零售價亦跟版主昨日所爆的一樣,都是賣 $1999,將於正式在 8 月 7 日 12 點,在全線豐澤及 eShop、小米之家及小米網有售。呢個價錢說得上是最平價 S660 手機,再加上有原生系統,係吸引嘅,但我會覺得小米只出一個版本,是一件不智的事,要知道小米 A2 本身已沒有 microSD 卡槽,沒有 128GB 的選擇,對部分網友來說,是一個問題。

37995594_666288893729920_6135034098533531648_n.jpg

價錢上無錯是很便宜,但版主昨晚都有跟網友睇過 這部小米 A2 有三大伏點,可能會影響到網友購機的意慾,不知你覺得版主所說的,又有沒有道理呢?當然,如果你覺得 64GB 都已經好夠用,而你平時又無必要用到 NFC,咁無可否認小米 A2 是個不錯的選擇,至少版主用了大約一個星期,就算是玩遊戲還是挺流暢的,而安兔兔跑分又有 12 萬左右,在效能部分可以說是不用擔心。你又點睇呢?

小米 A2 (4GB / 64GB) 在文章發表時,香港建議零售價為 $1999,按這裡有詳細規格及最新賣價
廣告