
小米首部行貨摺芒手機抵港喇!
小米香港今日宣佈,會同內地同步發表新機,而首部會喺香港開賣嘅行貨摺芒手機,會係細摺嘅 MIX Flip,將會喺 2024 年 7 月 19 日舉行網上新品發佈會。而如果撳呢條 Link 進入小米網站預約新機,並下單小米 MIX Flip 的用戶,更可加碼送小米體脂計 S400 一部,每個用戶 / ID 僅限預約一次,贈品會隨新機發出。雖然目前小米 MIX Flip 內地當未發表,不過網上已經有唔少資料流出,例如具有超大尺寸的副屏幕,後置雙鏡頭呈垂直設計,採用曲面玻璃,內屏採用穿窿芒設計等等,而且仲傳會配備 1145mAh + 3595mAh 雙電池,並支持 67W 快速充電。而相機更用上 5000 萬像素 OIS 光學防震主鏡 + 一個支持 2 倍光學變焦的長焦鏡頭。

來源:小米香港