主題:舊代 S801 旗艦又劈價!2K 5.5 吋大芒行貨一千蚊夠抵未?

ePrice HK
  • 發表時間:2016-04-26 20:13
    好多網友見到今次個題目,心裡面應該會話「喂大佬! S820 啲手機都出晒,而家仲講 S801 手機,會唔會 Out 左?」的確,而家即使係中低階機種裡面,都有唔少性價比高又抵玩的選擇,無必要選擇舊代 S801 手機啊!但係當你聽到行貨機價最平可以唔使一千,又有 5.5 吋大芒、可換式 3000mAh 大電,你又會不會心動呢?一齊來睇睇!

    舊代 S801 旗艦又劈價!2K 5.5 吋大芒行貨一千蚊夠抵未?
     

    2K 大芒+3GB RAM+ S801+3000mAh 可換電! Find 7 千元價

    如果大家熟悉版主標題黨的屬性,應該一下子就會估到,今次減價的手機又係來自 Oppo ,主角又係 Find 7 系列!無錯,近日網上又有網友提到, Oppo 大減價又又又出現了!但大家唔好爆粗住,因為不論係價錢還是性價比方面, Oppo 個減價都係有睇頭的!首先係版主上次提過的 Find 7a 大減價再度回歸,單買一部只係 127 美金,計返港幣都只係 $986 ,最平可以去到 110 美金,即係 $854 港幣!不過,因為呢部機只有  US Version,所以並不支援香港的 FDD-LTE 。

    如果只有美版可選,其實 Find 7a 減到一千有找都唔著數。不過,今次 Oppo Flash Sale 勝在有 Find 7a 的親生兄弟 Find 7 減價!以規格而言, Find 7 當然更好, 5.5 吋芒有 2K 解像度,有 S801 處理器同時仲有 3GB RAM 以及 32GB 內置容量。更加重要係,同 Find 7a 不同。不論係黑色還是白色版本, Find 7 都是國際版,所以香港是用的 4G 的。價錢方面,單買一部價錢係 149 美金,即係港幣 $1115 ,如果買 3 部就可以去到 129 美金,剛剛好一千蚊!

    行貨大劈價!4GB RAM 手機最平兩千,S801 旗艦九百有找
    ▲ 今次 Flash Sale 裡面同樣有 Find 7a ,價錢係平但性價比就唔夠 Find 7 高啦!

    舊代 S801 旗艦又劈價!2K 5.5 吋大芒行貨一千蚊夠抵未?
    ▲ 如果 Find 7 係 US Version ,版主都唔會諗住寫,但 Find 7 係國際版,成件事就唔同晒!

    舊代 S801 旗艦又劈價!2K 5.5 吋大芒行貨一千蚊夠抵未?
    ▲Oppo 話明買三部會平到 129 美金,當中並不限於 Find 7 ,買其他型號都可以。


    唔想要 Oppo 又想要平價 S801 手機?都有唔少選擇

    對於 Oppo 手機,喜歡的網友會覺得好抵好值得入手,但都有網友會覺得係「垃圾廠」出品。如果都想入手千元樓下 S801 手機,又有咩選擇呢?之前版主提過的小米 4 而家係深水埗福仁場內只係 $980,一樣係千元有找。如果國產機不作考慮的話,看來就只有 HTC 的 E8 以及 Butterfly 2 可以考慮,但價錢都同上述「國產機」有段距離。唔知大家又點睇呢?留言講講吧!

    舊代 S801 旗艦又劈價!2K 5.5 吋大芒行貨一千蚊夠抵未?
    ▲小米 4 之前有細鋪引入左聯通版,但當時價錢仲要一千樓上,近日新一批就不用了。

    舊代 S801 旗艦又劈價!2K 5.5 吋大芒行貨一千蚊夠抵未?
    ▲ 如果係 HTC E8 ,大家都知衛訊仲有,但 Butterfly 2 就只有部份豐澤有了,如果係深水埗細鋪的話,價錢就會平多 $100 ,不過有無貨都係個問題。

    連結:OppoStyle

    在文章發佈的時侯, Oppo Find 7a (美版)優惠價 $986 ,按此看詳細規格和最新賣價。
    在文章發佈的時侯, Oppo Find 7 優惠價 $1115 ,按此看詳細規格和最新賣價
    在文章發佈時,小米 4 不會在香港開賣,按此看手機詳細規格

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2016-04-26 21:42
    有人組團團購嗎??~
    02樓 ▲TOP 回列表頁