主題:Oxygen OS 2.0 版本 OnePlus 2 效能、發熱即時試!五大重點話你知

ePrice HK
  • 發表時間:2015-08-05 16:54 收錄檢舉
    之前星期六 OnePlus 2 終於來到香港,版主 Keith 都即時同大家做左開箱分享,相信大家都對 OnePlus 2 有初步的了解。不過因為一開始到手的版本係行大陸「氫OS」的關係,所做的測試係代表性上都未必足夠,因為大家係 OnePlus 2 香港開賣時所能感買到的將會係國際版的 OxygenOS 啊!好在剛才 OnePlus 2 的 OxygenOS 2.0 版本就推出左,而家就即時同大家分享有咩要值得注意的地方啦!icon

    OxygenOS OnePlus 2 效能、發熱即時試!五大重點話你知-1


    重點 1 :跑分成績大不同!原因係⋯⋯

    係相當短時間的試用當中,版主發現改成 OxygenOS 後 OnePlus 2 最為值得留意的一點就係在跑分方面同氫 OS 版本相比,成續竟然有相當大家分別!同樣係 4GB RAM 以及 64GB RAM ,但係在安兔兔跑分測試上行 OxygenOS 的 OnePlus 2 係跑分成績上大跌左一萬多分,會唔會再難以稱作「旗艦殺手」?

    OxygenOS OnePlus 2 效能、發熱即時試!五大重點話你知-2
    第一次跑安兔兔時,只有 46565 分,比起氫 OS 時的 58047 低差唔多萬二分,真係有點驚訝。

    OxygenOS OnePlus 2 效能、發熱即時試!五大重點話你知-3
    ▲  再試多一次,結果係仲低分⋯⋯icon

    OxygenOS OnePlus 2 效能、發熱即時試!五大重點話你知-5
    不過來到 Vellamo 方面,用上 Oxygen OS 的 OnePlus 2 其實成績更好!

    OxygenOS OnePlus 2 效能、發熱即時試!五大重點話你知-6
    同樣地,在氫 OS 時 PnePlus 2 只有 59.99 FPS ,但今次測試就到左 60 大關。
     

    重點 2 :比起氫os , OxygenOS 的 OnePlus 2 發熱問題更小!

    係之前的開箱試玩上,版主 Keith 提到當 OnePlus 2 跑分時,要好留意才感覺佢熱,不過係 CPU Z 就顯示跑完分後手機仍然有部份核心高達 62 度。而今次係室內未有開大冷氣的地方為 OxygenOS 跑分時,版主就覺得係會在機背感受到微熱的,但就遠遠未去到燙手的程度,而係兩次跑完安兔兔之後再睇返 CPU Z ,最高的溫度都只有 50 度左右。相信某程度上可以反映出係 OxygenOS 上面,雖然係效能上 OnePlus 2 就未好像 氫OS 版本衝到咁盡,但就可以見到係發熱情況上有更好的處理。

    OxygenOS OnePlus 2 效能、發熱即時試!五大重點話你知-7
    係第一次跑完安兔兔後,從 CPU Z 的資料可以見到 Thermal 部份溫度最高的 Sensor 有 51 度左右。

    OxygenOS OnePlus 2 效能、發熱即時試!五大重點話你知-8
    ▲後來再跑多次安兔兔,又再睇多次 CPU Z ,今次 Thermal 部份連 50 度都沒有了!
     

    重點 3:點解機背感覺無咁燙手?原因可能同設計有關

    之前版主 Keith 提到跑分時只係覺得唔算好熱,要仔細 Feel 先有感覺到,但同時間 CUP Z 就顯示手機溫度最高達 62 度。好多網友都好奇點解咁都不叫熱。其實呢點可能同本身 OnePlus2 的設計有關。之前版主到 OnePlus 2 的發佈會時都同其他記者朋友傾過,除左部部機的發熱情況有邊之外,另一個特點就係 OnePlus 2 發熱時,較為明顯感受到的位置會係金屬邊框,金屬傳熱較快,咁邊框較熱都好正常。但背蓋點解會無咁明顯地 Feel 到熱呢?相信係因為本身機身都頗厚,同時背蓋也能拆開,所以傳熱相對較慢啦。

    不過點都好,從 CPU Z 的數據以及上手體驗來講, OnePlus 2 係 Oxygen OS 上無咁熱的確是真的,但一般使用時完全唔熱又一定唔係,最少都會 Feel 到微暖的,不過又不會去到燙手「煎蛋 mode」咁解。

    OxygenOS OnePlus 2 效能、發熱即時試!五大重點話你知-9 OxygenOS OnePlus 2 效能、發熱即時試!五大重點話你知-10
    ▲放大可以看到原圖,大家可以見到 OnePlus 2 係用上金屬邊框,呢個係最容易感受到熱的位置。另外,本身 OnePlus 2 的厚度有成 9.85mm ,實在不算薄,再加上背蓋四邊會有膠邊包住,呢兩點都可能係背蓋無咁受熱的原因啦。


    重點 4: 對比氫 OS ,Oxygen OS 使用感覺暢快多了!

    經常聽到人話跑分唔代表一切,某程度上用來形容 OnePlus 2 實在係適合不過的。雖然呢點比較難用圖片來表達,不過版主係試用過兩個版本的 Rom 後真的明顯感覺到 Oxygen OS 係使用上係暢快過氫 OS 的!係用緊氫 OS 版本的 OnePlus 2 時,連簡單的係 app 內推上拉落都會有少少「Lag Lag」地的感覺。最後不得不係「開發員選項」之中選擇「強制使用 GPU 進行 2D 繪圖」先有改善。但來到 Oxygen OS 後,一上手就有返一般旗艦級手機的順暢體驗!再加上氫 OS 本身沒有 Google Play Service ,要揀的話當然係 OxygenOS 的 OnePlus 2 比較爽啦!

    OxygenOS OnePlus 2 效能、發熱即時試!五大重點話你知-11
    ▲ 係 Oxygen OS 到,大家除左可以見到熟悉的 Google Play 之外, Notification Bar 中的快據鍵都唔會好似氫 OS 咁由下推上去啦!(但要留意係相機介面兩個 OS 是一樣的)。


    重點 5: Oxygen OS 其實唔係一般的 Stock Android Rom

    雖然 Oxygen OS 本身的賣點之一就係有貼近原生 Android 的使用體驗,但初步試玩都可以見到其實 Oxygen OS 同原生 Android Rom 係有點不同的。主要分別在於係功能上 Oxygen OS 提供左更多的選擇比用家。係一開始進行設定時,大家會見到有一個「 OnePlus Setup」可以比大家設定,當中除左可以比用家自行加上「三天皇鍵」之外,仲有唔同的手勢操控比用家揀。而另外一個 Oxygen OS 獨有的就係叫「Shelf」的功能,  Shelf 係桌面上的東西,用家除左可以係當中開啟常用 Apps 之外仲可以加入不同 Widget ,感覺同 LG G4 的 Smart Bulletin 有點近似。

    OxygenOS OnePlus 2 效能、發熱即時試!五大重點話你知-12
    呢三個選項係 OnePlus 只行加上去的,包括「三天皇鍵」、「手勢操作」同埋鍵盤。

    OxygenOS OnePlus 2 效能、發熱即時試!五大重點話你知-13
    ▲ 呢個就係 Shelf 啦,係 Launcher 上會見到,除左常用 Apps 以及聯絡人可以即時見到之外仲可以加入不同的 Widgets 。

    總括來講,版主個人就覺得係改用 Oxygen 2 後 OnePlus 2 令人滿意的程度係高左唔少的,當中係操控性同加入左 Google Play Serive 已經贏一條街!雖然係跑分上數字係差左但係從用家角度來講其實 Oxygen OS 應該更能乎合港人的要求。最後,因為版主為 OnePlus 2 刷入 Oxygen OS 都只不過係一個小時多啲的關係,所以只能暫時分享住咁多先,之後如果大家有咩想試的話都可以係到留言講講,版主盡快回覆。(如果時間許可的話會加入相機測試啊!)icon

    在文章發佈時, OnePlus2 16GB 版本仍未正式開賣,按此可看詳細規格及最新賣價
    在文章發佈時, OnePlus2 64GB 版本仍未正式開賣,按此可看詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • OnePlus OnePlus 2 64GB
    • 現時售價: 已下市
    • 尺寸: 151.8 x 74.9 x 9.85 mm / 175 g
    • 電池: 3300 mAh
    • 插卡:
    • 螢幕: 1920 x 1080、 5.5 吋 IPS TFT
    • 相機: 1300 萬像素CMOS
    • 顏色:
    • 時間: N/A
    • 上市: 2015-08-11
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • OnePlus OnePlus 2 16GB
    • 現時售價: 已下市
    • 尺寸: 151.8 x 74.9 x 9.85 mm / 175 g
    • 電池: 3300 mAh
    • 插卡:
    • 螢幕: 1920 x 1080、 5.5 吋 IPS TFT
    • 相機: 1300 萬像素CMOS
    • 顏色:
    • 時間: N/A
    • 上市: 2015-08-11
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔