估你唔到！OnePlus 8 將有代理接貨！平過官網大舖會賣

左定坤 (Cho Ting Kwan) 2020-08-20 17:54 | Oneplus

係呀，睇標題都知，無錯，OnePlus 8 香港會賣，而且會殺入大舖。版主初收到呢個消息，都覺得好震撼，你可能會問，有又點，無又點，本來官網香港都買得到啦！但重點是，有代理接咗 OnePlus 8 貨，而且用比官網平好多嘅價錢喺香港賣，香港人無必要再用貴價上官網入手，都係一件好事嚟嘅～



據版主收到嘅線報指出，香港將會賣 OnePlus 8 8GB + 128GB 版本，會以相比官網賣價平好多嘅價錢賣，但確實會幾時賣，則未有準確消息，預計會是八月尾或者九月頭，會在大舖有售 (實際邊間大舖，暫時未確實，我估同之前黑鯊咁，都係豐澤有份吧)。

不過要注意的是，雖然這部 OnePlus 8 官網寫住支持 5G，但據知呢部手機喺香港係用唔到 5G，所以目前只能當佢係一部 4G 手機用。未來會唔會透過軟件更新令香港用到，呢個就真係無人知了，不過香港買得到而賣咗咁耐到而家都用唔到 5G，估計應該之後都未必用到了。




OnePlus 8 在文章發表時，官網賣價 $5998，按這裡有詳細規格及最新賣價。