唔使 $650,入手超平價中港 4G 可換電手機!

左定坤 (Cho Ting Kwan) | Acer
講到便宜的手機品牌,唔少人都會第一時間諗起小米、魅族等等,不過如果問最平價,而又支持中港 4G 的手機,你會諗到邊部呢?去年 10 月,中國移動香港 CMHK 強勢推出兩款超平價的 4G 手機 A1 以及 N1,最平 $900 有找,真係超抵玩。而家轉眼間又過了一年,CMHK 再推出 A1 的新一代手機 A1s,比上一代仲要平多幾舊,實在便宜得誇張。規格配置方面又點呢?睇下文啦!

A1s(Facebook).jpg

中國移動香港 CMHK 今日宣佈,正式推出新一代的 China Mobile 品牌手機 A1s,現於全線中國移動香港門市及網上商店發售,連上台都唔使,就可以 $638 的淨機價優惠入手,你仲諗到另一部俾佢更平價的 4G 手機嗎?A1s 性價比相當高,支援 5 模 11 頻,打通中港 4G / 3G 網絡,更支援全球漫遊、雙卡雙待等功能,而且兩個卡槽都能夠支援 4G LTE 網絡。

A1s 的機身尺寸為 142 x 72 x 8.7 mm,重量為 136g,相信會非常輕巧,採用了 5 吋高清 HD IPS 輕觸式屏幕,配備 Qualcomm S410 1.2GHz 64bit 四核心處理器,並內置 1GB RAM 以及 8GB ROM,最高支持 32GB microSD 擴充。相機方面,A1s 配備了 800 萬像素 75 度超廣角主鏡頭,而前置鏡頭則有 200 萬像素,光圈有 F2.0,並支援智能美顏功能。另外,A1s 配備了 2300mAh 電池,最重要是可換電。A1s 備有雪山白、星空灰兩種顏色選擇,並會運行 Android 5.1 作業系統。

Screen Shot 2016-10-03 at 6.51.02 PM.png

雖然 A1s 在規格上只屬入門級別,不過 $638 呢個價,可以入手支援中港 4G 的手機,相信真係好難諗到第二部,而且加多 $88,就可以買埋保護殼以及玻璃貼套裝。網友對於呢部超平價 A1s,有甚麼睇法呢?會考慮入番部用黎做後備機呢?留言講下啦!
廣告