金屬外殻 無邊框設計真正體現
首先外觀方面，有傳 Letv 樂視超級手機二代將會沿用第一代的風格，繼續採用金屬外殻。按照第一代的經驗，採用金屬外殻可以喺手機散熱方面起到唔錯嘅效果，有效地避免機身過熱嘅問題。另外，據傳聞指出，Letv 樂視超級手機二代將會真正體現無邊框設計，並採用類似橡膠嘅透明特殊物質，配合特殊工藝設計，喺滿足用家視覺上嘅享受之餘，亦能有效地抗磨、抗劃。
▲ 體現無邊框設計，配合特殊物質，令手機能夠有效抗磨抗摔。
Qualcomm Snapdragon 820 八核心處理器 搭配快充技術
功能、規格方面，Letv 樂視超級手機二代將會搭配最新的 Qualcomm Snapdragon 820 處理器，採用 Type - C USB 接口，並且支持 USB 3.1，令傳輸速度更快。有關電池容量方面，目前未有消息，但好大機會第二代將會配備快充技術。第二代同第一代一樣都具備指紋識別功能，但唔同嘅係，第二代嘅指紋識別將會轉移至 HOME 鍵位置，令你可以喺忙碌的時候，亦都可以方便咁去解鎖，唔洗再拎起電話先可以解鎖。
▲ 採用 Snapdragon 820 處理器，令手機運行更順暢。
▲ 第一代的 Le Max，手機背面設有指紋辨識器，有傳Letv 樂視超級手機二代將會轉移至 HOME 鍵，使操作更方面。
採用 EUI 系統 海量視頻資源
Letv 樂視超級手機二代將會使用 EUI 系統，EUI 系統能夠將應用桌面、LIVE 桌面、樂視桌面合而為一，其中最受歡迎嘅係樂視 LIVE 桌面，擁有超過一萬個直播台，200多個轉播台，可以滿足到唔同年齡層嘅需要，並且可以同時播放三個直播台，令你唔會錯過任何精采片段。如果未來樂視真係投得香港英超轉播權的話，相信好大機會可以喺Letv 樂視超級手機二代上睇到英超直播，到時呢個肯定會成為Letv 樂視超級手機二代喺球迷眼中嘅最大賣點!
▲ 樂視 LIVE 桌面，具有海量視頻資源，有機會加入英超直播。
唔知大家有無用過 Le 1 系列嘅手機啦，如果有用過，都可以知道呢部手機嘅性能都算唔錯，以樂視第一次推出手機黎講，有咁嘅成績算係優秀架喇! 大家心目中嘅 Letv 樂視超級手機二代係點架呢? 講下你嘅諗法丫!
Letv 1s 發佈相關文章
千五有找! 樂視超級手機 Le 1s 正式發佈!
香港 12 月賣! 千五有找 金屬化英超手機! Letv 樂視 Le 1s 真機快速試
Letv 10.27 發佈會傳聞大集會
S820 旗艦、120 寸大電視打孖上？樂視發佈會 3 大爆點你要知！
英超手機？Letv 樂視月底公佈超級手機第二代
Letv 樂視超級手機二代曝光! 或會加入英超直播?
樂視手機 2 代機背曝光 向 iPhone 4 致敬
Le 1s 在文章刊登時，香港上市日期及建議零售價未定。按這𥚃有更多規格詳情及最新賣價。