爆點 1 ：Letv 樂視將會有 S820 超級手機 2 ？
雖然呢排提起 Letv 樂視大家就會想起英超，但早排樂視一口氣連推三部的超級手機本身係規格上也是相當有睇頭的，而當中 Le 1 最終未有係香港正式推出實在係有點可惜，不然市場上就會再多一部高性價比的選擇了。早前 ePrice 都有同大家提過， Letv 樂視曾經放風，指出新機將會用上 Qualcomm Snapdragon 820 處理器以及 2300 萬像素鏡頭。以目前的資料來看，要確認明天發佈的 Letv 樂視新機規格仍然不容易。有大陸媒體指出新機會用上 5.7 吋 2K 解像度大芒加上 Qualcomm S820 處理器同埋「可旋轉鏡頭」。但從近日 Letv 樂視 CEO 賈躍亭在微博上的「預告」，新機會係定價兩千樓下，以性價比作為賣點也不是沒有可能的，但配置上最少都會有 3GB RAM 以及 32GB 內置容量，機身仍是以全金屬一體成型作為賣點，不過詳細資料還是要留意聽日的發佈會啦！
▲大陸演員李小璐係上次樂視超級手機發佈前已經試過率先爆料，今次也不例外呢！
爆點 2：版主收風，新電視將會係 120 吋！
早前版主 Keith 都同大家提過，Letv 樂視好有可能係聽日的發佈會上推出有成 100 吋的 4K 大電視，相信大家都會覺得好誇張！但近日就有懷疑係樂視新超級電視的實機照曝光，從當中相片可以見到電視的體積真係相當巨型，消息就指樂視的新產品將會有成 110 吋以上。熱愛「爆料」的樂視 CEO 賈總當然有係微博上透露更多消息，佢就提到而家 110 吋電視機的價格唔夠平，「尺度唔夠顛覆」。更重要係，已經到左北京的版主 Keith 更收到風，樂視明天會推出達到 120 呣的電視呢！
▲ 若果真係在香港推 120 吋大電視的話，可能未必係咁有市場啊⋯⋯
爆點 3:會不會成為下一間 Uber ？樂視打入大陸專車市場
電召汽車服務 Uber（當然也有人稱為利用私家車輛非法載客的「白牌車」）係香港發展舉步為艱，反觀在大陸同樣性質的「專車市場」競爭卻變得白熱化。當中滴滴快的、神州專車以及 Uber 就成為左專車市場三巨頭。講左咁耐，版主的意思其實就係在明天的發佈會上，樂視很有可能提到的就係佢地攻入專車市場後的方向。因為較早前樂視已經宣佈成功購得大陸第四大專車服務公司「易到用車」。而樂視都提到呢單收購能令到樂視的「汽車生態」產業鏈變得更完整，意味收購易到用車後樂視很可能籍後者打入專用車市場。近日樂視在港動作頻頻，會否遲啲在香港都推出電召汽車服務呢？呢點都值得留意啊！
▲除左入主大陸 Call 車 App 之外，係年頭樂視其實都提到會推「超級汽車」，不知又會不會在明天有更多消息呢？
以上就係樂視在明天發佈會上幾個值得留意的爆點，大家可以留言講講睇法啊！
來源：Techweb 、搜狐、人民網
Letv 1s 發佈相關文章
千五有找! 樂視超級手機 Le 1s 正式發佈!
香港 12 月賣! 千五有找 金屬化英超手機! Letv 樂視 Le 1s 真機快速試
Letv 10.27 發佈會傳聞大集會
S820 旗艦、120 寸大電視打孖上？樂視發佈會 3 大爆點你要知！
英超手機？Letv 樂視月底公佈超級手機第二代
Letv 樂視超級手機二代曝光! 或會加入英超直播?
樂視手機 2 代機背曝光 向 iPhone 4 致敬
Le 1s 在文章刊登時，香港上市日期及建議零售價未定。按這𥚃有更多規格詳情及最新賣價。