好過爆炸手機! 高規性價比強過日系王! LeEco LeMax 2 評測

管理員 2016-10-17 19:56 | Leeco
不知各位爆炸手機苦主,是否選擇「回水」了事。有無想過,自己用咗六千蚊,買了一部所謂旗艦手機,會落得如此下場。反正錢已退,今次我哋介紹俾你,呢部 LeMax 2,原來只係爆炸手機差不多一半價錢,就享用得到,而且性能更勝一籌。

lemax2-FB.jpg

全金屬機身

相比爆炸手機的玻璃面材質,LeMax 2 採用全金屬一體化機身設計,雖然有 5.7 吋大屏幕,但機身都算窄,只有 77.6mm 闊度,單手舉起都唔難。色系方面,LeMax 2 本身有金色版本,不過,呢隻色有點悶,所以香港會有灰黑版本,感覺有點似 iPhone 7 嘅暗黑,型得來不太佔手指模。

IMAG1466.jpg
▲ 先來開箱!LeMax 2 就是收埋係呢個黑色嘅盒子裡面。

s12.jpg
▲ 香港行貨已有齊通訊辧嘅標誌,證明是香港認可版本。

IMAG1477.jpg
▲ 跟機有 USB Type C 線、QC 3.0 快充、Type C 變 3.5mm 轉換器、SIM 針及透明膠套一個。

s11.jpg
▲  透明膠套都幾好睇,而 LeMax 2 是真雙 SIM 設計。

至強規格
規格方面,LeMax 2 是採用 Qualcomm S820 處理器,呢粒 CPU 係主流旗艦都會採用,但唔係每一部都會用最多嘅 RAM 同 ROM,爆炸手機都只係 32GB ROM + 4GB RAM,而日本品牌都只係 3GB RAM,而香港版嘅 LeMax 2 只有 6GB RAM 及 64GB RAM,呢個雙六規格,當然有最好嘅效能。屏幕方面,Le Max2 配備 5.7 吋 2K Super Retina 屏幕,NTSC 95% 高色域,睇片、睇相效果十分好。Le Max2 採用跟 Sony 手機同級嘅 2,100萬像素SONY IMX230 1 / 2.4英吋超大感光元件,配合 6P 主鏡頭、有 OIS光學防震、快速自動對焦,影相效果真係唔錯。前鏡也有 800 萬像素自拍鏡頭,電池容量為3100mAh,並運行 Android 6.0 系統。

CDLA 音效

LeMax 2 配備全球首創CDLA全數碼化無損音訊標準,透過 USB Type-C 把數碼音訊,傳送至耳機當中,以保留最完整的訊號傳輸,傳輸過程所造成的耗損低至1dB,避免3.5mm耳機的模擬傳輸訊號所產生的問題,不過,就算你無相關 USB Type-C 耳機,跟機都有轉駁器,等你用番3.5mm 插口耳機聽歌。

IMAG1486.jpg
▲  灰黑色是新版本,比起金色更合香港用家胃口。

IMAG1491.jpg
▲ 機背摸上去有些似 iPhone 7 嘅啞黑色。

s10.jpg
▲ 機底也有雙揚聲器。


s09.jpg
▲ LeMax 2 採用建基於 Android 6.0 嘅 EUI,內置《Live》介面,方便揀選樂視香港嘅輪播及直播節目。透過杜比全景聲,用來睇戲就更加震撼。

s07.jpg
▲ 香港發售是《雙六版》,即係 6GB RAM 及 64GB ROM。

s05.jpg
▲  用上 Qualcomm S820 CPU,跑分有 14 萬,都唔係部部用 S820 CPU 手機做得出如此高分,代表效能好好。

s04.jpg

▲ Sling Shot Using ES3.1 是用來測試 2K 屏幕手機嘅 3D 圖像效能。有 2619 代表 3D效能十分不俗。

S03.jpg

▲ Vellamo 跑分軟件,Chrome 是測試 Browser 上網嘅效能,分好高。而係另外兩個是測試 CPU 效能。最高分也是預料之內。

s02.jpg
▲  LeMax 2 是少數手機,用上 UFS 記憶體,有乜好處?64GB ROM 裡面嘅相片、4K 短片,都可以快速過入電腦或者 USB  手指備份。圖中 AndroBench 是測試記憶體抄寫速度,其中連續讀取檔案速度,拍得住韓國手機,抄寫速度部份,有更快速度。

s01.jpg
▲ 相機部份,後鏡頭影到 2100 萬像素相片,採用嘅 Sony IMX 230 感光元件,也是跟 Sony 手機同級。

IMG_20161014_160156.jpg

chop.jpg
▲ 高像素拍攝有乜好處,就是像上圖一樣,就算 Chop 相,都可以有清晰嘅影像。

IMG_20161014_160226.jpg
▲ F2.0 大光圈加持下,可以拍出不錯嘅景深效果相片。

IMG_20161014_160314.jpg
▲  LeMax 2 拍出來嘅照片,細緻度十分高。

總結:平價高階機!好易買得到

LeMax 2 是一部十分不錯嘅手機,尤其以原價 $3599 呢個價錢,性價比已超越好多大廠手機。不過好多人都講過,樂視手機是《神話機》 有得睇無得買,成日網上開售一陣間就賣晒,各大零售店都未見它的蹤影,其實,樂視手機已登陸不少手機專門店。大家有興趣可以親自落鋪試真機。另有 Le 2 都同時發售,以$1899 好價,5.5吋全高清屏幕,中規格手機,打機睇戲表現綽綽有餘,都岩大眾口味。

資料由客戶提供

相關產品 (1)

相關報導 (3)

好過爆炸手機! 高規性價比強過日系王! LeEco LeMax 2 評測

好過爆炸手機! 高規性價比強過日系王! LeEco LeMax 2 評測

不知各位爆炸手機苦主,是否選擇「回水」了事。有無想過,自己用咗六千蚊,買了一部所謂旗艦手機,會落得如此下場。反正錢已退,今次我哋介紹俾你,呢部LeMax2,原來只係爆炸手機差不多一半價錢,就享用得到,而且性能更勝一壽。

管理員 | 2016-10-17
又一部 S820! 5.7 吋樂視超級手機 Le Max 2 有 6GB RAM

又一部 S820! 5.7 吋樂視超級手機 Le Max 2 有 6GB RAM

嘅,是那一部?就是LeEco樂視超級手機LeMax2(樂2Max)。當然,搶先宣佈採用,跟實際推出日期是兩回事,LeMax2上市不及LG、Samsung、HTC快,唯有用更強的規格:全球首部6GBRAM的手機夠跨張未?據知,LeMax2會於六月份在香港上市。而同期亦有兩款新機,包括Le2及Le2Pro!

Keith Yim | 2016-04-20
比拼 HTC  10!820 處理器 樂視  Le 2 Max 跑分即睇

比拼 HTC 10!820 處理器 樂視 Le 2 Max 跑分即睇

雖然不是全球首部上市的QualcommS820手機,但高階版本有6GBRAM,普通版也有4GBRAM,加上賣價比大品牌便宜,其效能好值得人期待。於樂視超級手機第二代的發佈會裡面,版主親身試過Le2Max與Le2齊齊睇睇呢部機的效能,又跟LG、Samsung等睇齊吧。

Keith Yim | 2016-04-20

最新新聞