csl eShop 網店限定！HONOR Magic V3 5G 劈價 $2000
說的是 HONOR Magic V3 5G，隨著時間過去，而家可以話係一個相當吸引嘅入手時機！csl eShop 網店而家做緊優惠，原價 $9999 嘅 Magic V3 5G，而家只需要 $7999 就有交易，即場慳返 $2000，對於一直想玩摺屏但又覺得價錢太貴嘅網友，絕對係一個好消息！雖然今次係網店優惠，但唔使上台，買淨機就得，網友又覺得呢個價錢抵唔抵呢？
HONOR Magic V3 5G 硬件規格
規格方面，HONOR Magic V3 5G 摺疊時厚度只有 9.2mm，展開後更加薄至 4.35mm，重量亦控制喺約 226g（絨黑色），配備咗 Qualcomm Snapdragon 8 Gen 3 旗艦處理器，內置 12GB RAM 同 512GB ROM，無論係多工處理定係打機都流暢順滑。屏幕方面，外面係一塊 6.43 吋 OLED 屏幕，裡面則是一塊 7.92 吋 大內屏。影相方面，HONOR Magic V3 5G 配備旗艦級三鏡頭組合，包括 5000 萬像素廣角主鏡頭、5000 萬像素潛望式長焦鏡頭（支援 3.5倍光學變焦 及 OIS 光學防手震）以及 4000 萬像素超廣角鏡頭。電池同充電方面，內置 5150mAh 大容量電池，支援 66W 有線超級快充同 50W 無線快充。
耐用性方面，佢採用新一代盾構鋼物料製成嘅魯班鉸鏈，更加堅固耐用。外屏覆蓋 Honor 金剛巨犀玻璃，抗刮耐摔。同時具備 IPX8 級別防水能力，日常使用更加安心。
按這裡有 HONOR Magic V3 5G 詳細規格