HONOR 葵芳新店限定！半價搶購 S8s Gen 3 手機
說的是 HONOR 葵芳新都會廣場新店，由即日起至 2 月 13 日推出「超值搶購週」。每日都會有唔同嘅限量產品推出，當中最吸引我眼球嘅，莫過於係 2 月 8 日星期日，S8s Gen 3 旗艦手機 HONOR 200 Pro 竟然半價發售，由原價 $4299 減至 $2299，呢個價錢真係無得輸，而同日平價機 HONOR 200 Smart 都係 $699 就有交易。另外，如果你想要平玩平板，2 月 6 日同 7 日分別有 WiFi 版同 5G 版嘅 HONOR Pad 9，最平 $1499 有交易。而最誇張係個快充組合，原本賣 $199，而家推廣期內 $19 就買到，雖然講緊得 22.5W，但呢個價錢當買條線都抵啦，係咪先？
全線分店都有份！加購配件低至 $49
當然，如果你住得遠，去唔到葵芳咁遠，其實 HONOR 其他 4 間體驗店都有優惠同步進行。由即日起至 2 月 20 日，只要去任何一間 HONOR 體驗店買任何產品，就可以優惠價加購指定產品，例如 $199 買智能手錶 Watch 2 Pro，$49 買智能標籤等等。另外，如果期間買任何手機、平板或者電腦，仲可以參與「即開即賞」活動，隨時贏走 HONOR 黑色菱格背包或者體脂磅等等嘅禮品。對於近期想入手 HONOR 產品嘅網友，呢個消息又吸唔吸引到你呢？