S675 平挑三星!TCL Plex 抵港 賣價二千頭 你揀邊部?

左定坤 (Cho Ting Kwan) 2019-10-29 16:41 | TCL
講到 Qualcomm Snapdragon 675 處理器,可能大家會有少少陌生,因為並不算是十分普及,香港推出的手機之中,用這粒處理器的手機並不多。雖然佢只係一粒 6 系 U,但卻比 S710 CPU 效能還要強大。最近 TCL 香港會推出一部 S675 新機 Plex,賣價相當合理,比起某國產手機還要平,網友又會唔會有興趣呢?睇下文啦!

FB.jpg

根據版主收到的情報,TCL Plex 香港建議零售價為 $2399,將於 11 月 7 日正式有售。但事實上,TCL 香港會在 11 月 8 日才舉行發佈會,按照消息來源指出,宣傳上會話 11 月 8 日先開賣,但實際上前一日已經有貨,簡單來說就係「未發表,先開賣」。呢個價,網友接受嗎?

TCL Plex.png

對比起市面其他 S675 手機,其實 TCL Plex 算係佔咗不少優勢。就以 vivo V15 Pro 為例,建議零售價要 $3498,現時最新大舖價都要 $3098;比較同 TCL Plex 有得比下嘅,係三星 Galaxy A60,最新大舖價為 $2298,相比 TCL Plex 便宜 $100,不過電量就相對少啲,只有 3500mAh,同埋芒都細啲,只有 6.3 吋。

至於 TCL Plex 係乜料子?Plex 採用了 6.53 吋芒,解像度為 2340 x 1080,配備 Qualcomm S675 處理器,內置 6GB RAM 以及 128GB ROM,並支持 256GB microSD 擴充,電池容量為 3820mAh。相機部份,主鏡頭用上三鏡頭設計,分別為 48MP 標準 + 16MP 超廣角 + 2MP 景深鏡頭,而前置鏡頭則有 24MP。另外,TCL Plex 除咗保留 3.5mm 耳機孔,同時亦支持 NFC,算係一部應有盡有嘅平價手機選擇。

TCL Plex 在文章發表時,香港賣價為 $2399,按這裡有詳細規格及最新賣價

相關產品 (1)

相關報導 (2)

S675 中階手機鬥三星!TCL Plex 上手評測: 外型+相機+跑分

S675 中階手機鬥三星!TCL Plex 上手評測: 外型+相機+跑分

如先前所說,TCLPlex今日正式發表兼開賣,賣價同版主之前爆料的一樣,都是$2399,不過有個特別優惠:就係加多......$1,就可以享有兩年保養。而在發佈會上,版主就上手過這部手機,就讓版主極速跟大家做個簡單的上手評測,畀網友睇下這部手機的外觀,並且測試一下這部TCLPlex的效能跑分。睇下文啦!

左定坤 (Cho Ting Kwan) | 2019-11-08
S675 平挑三星!TCL Plex 抵港 賣價二千頭 你揀邊部?

S675 平挑三星!TCL Plex 抵港 賣價二千頭 你揀邊部?

講到QualcommSnapdragon675處理器,可能大家會有少少陌生,因為並不算是十分普及,香港推出的手機之中,用這粒處理器的手機並不多。雖然佢只係一粒6系U,但卻比S710CPU效能還要強大。最近TCL香港會推出一部S675新機Plex,賣價相當合理,比起某國產手機還要平,網友又會唔會有興趣呢?睇下文啦!

左定坤 (Cho Ting Kwan) | 2019-10-29

最新新聞