小米 POCO F4 GT 外觀
小米 POCO F4 GT 採用了 6.67 吋 AMOLED 穿窿屏幕，解像度為 2400 x 1080，支持 120Hz 屏幕刷新率，機背設計也跟以往 POCO 手機不同，開始更像電競手機的感覺。顏色有黑、銀、黃三色，而今次我開箱上手嘅，就是銀色嘅版本。靚唔靚，就見仁見智，但叫做一眼認得出部手機，有佢嘅獨特性存在。另外，右側會有肩鍵的開關，開啟後左右肩鍵會推出來，關閉後就會收返入去。可惜的是，POCO F4 GT 沒有 3.5mm 耳機孔，打機要用 Type C 耳機或者無線耳機。
小米 POCO F4 GT 效能跑分
小米 POCO F4 GT 採用咗 Qualcomm Snapdragon 8 Gen 1 處理器，內置 12GB RAM 以及 256 ROM，電池容量為 4700mAh，並支持 120W 快速充電。而版主會利用安兔兔跑分、GeekBench 5、AndroBench 5、PCMark、3DMark 等跑分應用程式，將手機各方面的效能具體化，讓大家有個大概，知道手機是去到咩程度。
▲ 安兔兔跑分結果為 942442 分，當中的 CPU 成績為 211437 分，而 GPU 成績則有 399195 分。特別注意的是，跑分很容易看到在處理器運行時的溫度提升，在跑分的過程中，POCO F4 GT CPU 溫度提高咗 12 度之多，未必係佢散熱做得差，但可能係粒 U 本身都係存在發熱問題，因為試過好多 S8 Gen 1 手機，都依舊有跟 S888 相同的發熱毛病，這點會有點兒可惜。
▲ 連續讀寫速度分別為 1660.55 MB/s 以及 1451.08 MB/s，代表用上 UFS 3.1，並符合應有速度。
▲ PC Mark 測試結果。
▲ GeekBench 5 測試結果。
▲ 3D Mark 測試結果。
▲ PC Mark 工作 3.0 電池使用壽命時間為 11 小時 2 分，簡單來說時間愈長，就愈用得耐，而 POCO F4 GT 使用時間相比三星 Galaxy S22 Ultra 略低，但都是相當接近。
小米 POCO F4 GT 相機評測
相機部分，小米 POCO F4 GT 用上了 64MP F1.9 標準 + 8MP F2.2 超廣角 + 2MP F2.4 微距鏡頭，不過呢部 POCO F4 GT 唔係主打相機，所以我唔會好詳細同大家試，只會影幾張相畀大家睇下，我唔係攝影師就未必影得到靚構圖，但至少可以畀大家望下大概的質素如何。標準拍攝
超廣角拍攝
10x 數碼變焦
微距拍攝
小米 POCO F4 GT 打機表現如何？發熱情況嚴唔嚴重？
對版主嚟講，肩鍵最有用的情況下，應該係打 PUBG Mobile，雖然而家無以前咁多人玩，但我覺得要試肩鍵好唔好用，都係 PUBG Mobile 最啱去試。點解？因為多按鍵撳，真係玩嘅時候，有肩鍵可以設定一邊開鏡，一邊開槍，方便得多。我純文字分享我體驗啦，畢竟我呢啲小弱雞，就無謂分享自己玩成點，但我個感覺都幾深刻。因為屏幕刷新率設置成預設，意思係系統會自動根據你在使用嘅應用程序，去判斷你所需要的屏幕刷新率，所以在玩遊戲時，理論上會上到接近 120Hz 的屏幕刷新率。但在食雞遊戲來說，我自己感覺 120Hz 太順暢，反而會玩得不自在，明顯係見到好 Smooth，但又好似 Smooth 過頭，唔習慣嘅我會玩到有點暈。不過肩鍵我覺得都幾靈敏，比起之前某鯊推出的遊戲手機，感覺靈敏度高很多，但感覺又仍然沒有 ASUS ROG Phone 5 爽。
不過說起來，POCO F4 GT 內置變聲器功能，有啲朋友打機唔想現真聲，亦都可以用呢個功能，但我用呢部手機試玩 PUBG Mobile 嗰陣就無開咪，所以就試唔到了，但叫做話畀大家知有內置咁嘅功能。
至於發熱情況嚴唔嚴重，玩完一舖食雞，又無想像中熱得咁誇張，大約同我跑一次分後嘅溫度差不多，可能因為預設咗「平衡模式」，如果開埋「性能模式」，應該就會更加熱。
小結
作為一部遊戲手機，有肩鍵是加分，但體驗沒有 ASUS ROG Phone 系列好，是事實。但是，在價錢上 POCO F4 GT 完美秒殺 ROG Phone 系列。五千蚊有 S8 Gen 1 更強效能的處理器，有靈敏度唔算太差的肩鍵，在加上 120Hz 順暢的屏幕刷新率，我認為 POCO F4 GT 算係一部性價比很高的旗艦手機。不知網友又點睇呢？按這裡有
