主題:網店聖誕優惠邊樣抵?聯想 ThinkPad 系列 i5 筆電減價近 $4000

ePrice HK
  • 發表時間:2016-12-20 14:00 收錄檢舉
    一般而言,12 月有兩大日子需要留意,一個係「雙十二」,另一個係「聖誕節」,呢兩個日子好多時都有唔少速銷優惠,不過睇番今年,似乎連鎖店 / 網絡商都集中搞聖誕優惠,而忽略了「雙十二」,真係有推出「雙十二」優惠的,應該是蘇寧。不過果陣版主就提過,並不是所有優惠都係咁抵,就好似 iPhone。繼「雙十二」優惠之後,蘇寧再次推出聖誕優惠,講到精選貨品低至 34 折,係咪真係咁抵?睇下文啦!

    網店聖誕優惠邊樣抵?聯想 ThinkPad 系列 i5 筆電減價近 $4000

    小心!減價未必真係抵!手機無邊部抵玩?
    由即日起至 12 月 27 日,蘇寧會在網上商店進行「聖誕限時優惠」活動。版主平時見到好似蘇寧呢類型的限時優惠,一般都會第一時間留意下,到底有無邊部手機真係抵玩。點知今次睇,真係一部都無。優惠手機包括有 LG G4 Stylus、美圖 M6 以及 Apple iPhone 7 256GB,G4 Stylus 就咁睇好似減 $600 好多咁,但要注意的是,其實深水埗細舖一早就已經賣緊 $1198,早幾日更跌到落 $1080 添,所以蘇寧今次呢個「驚喜價」,並不驚喜。至於美圖 M6,我都唔講咁多,一來減得 $200,二來香港都無乜人會用,iPhone 7 256GB 又會唔會抵呢?答案係無抵過,都係賣 $6788。想買 iPhone 7 256GB,真係細舖最抵,只需 $6180。

    網店聖誕優惠邊樣抵?聯想 ThinkPad 系列 i5 筆電減價近 $4000
    ▲ 有留意到蘇寧聖誕優惠要注意了,並唔係所有嘢都咁抵,就好似手機方面,真係無部抵玩。

    手機唔抵玩,筆電或者更抵玩?聯想 ThinkPad 系列減價近 $4000!
    咁又唔可以完全講到,蘇寧限時優惠無嘢抵,雖然在手機方面好似無乜邊部值得入手,不過在筆電方面也許會更抵玩。當中 14 吋、配備 Intel Core i5-6200U + 256GB SSD 的 Lenovo ThinkPad T460S (20F9A043HH) 筆記本電腦,更減價近 $4000,由原價的 $11388,減到 $7998,甚至相比出面細舖更便宜 (出面細舖最新報價都差不多 $9000)。網友又認為抵唔抵玩呢?

    網店聖誕優惠邊樣抵?聯想 ThinkPad 系列 i5 筆電減價近 $4000
    ▲ 由原來的 $11388,減至 $7998,網友覺得抵唔抵?

    網店聖誕優惠邊樣抵?聯想 ThinkPad 系列 i5 筆電減價近 $4000
    ▲ 除左 Lenovo ThinkPad,Dell 筆電優惠似乎亦比市價再便宜多幾百,又會唔會考慮呢?

    按這裡了解更多蘇寧網店聖誕優惠詳情

    立即加入Facebook 專頁,新聞/消息/優惠,最快知。

    01樓 ▲TOP 回列表頁