▲ WebOS 目前 LG 主要用係電視上面，唔知去到智能手錶到又會點呢？
話說，係 CES 2015 上面，德國車廠 Audi 的高層 Ulrich Hackenberg 就帶住 LG 智能手錶去展示點樣用 LG 手錶去操控同取得 Audi 汽車的資料，呢樣當然唔係重點。重點係之後網站 Androidcentral 搵左個高層，仲證實埋手錶型號叫「LG W」，而且運行 webOS 系統！
▲ 隻手錶目前就只係叫 「 LG W」，未知會否係正式名稱呢？
唔單止咁， Androidcentral 仲初步咁試玩過呢隻「LG W」，發現呢隻手錶並唔簡單。首先具備獨立上網功能，另外機身睇黎有埋揚聲器，而係手錶選單中更可以搵到一個「Call」的 icon ，所以有理由相信呢隻「LG W」本身已經具備打電話功能！
▲ 手錶 Apps 欄裡面有 「Call」 呢個字樣，唔通可以直接用手錶打電話？
最後，雖然呢隻智能手錶係外型上完成度相當高，但睇黎目前為止都仍然未到正式發售階段，所以究竟香港會唔會出、幾時出，出左又會賣幾錢呢幾方面都仲係未有資料⋯⋯版主就覺得先唔理呢隻錶係用乜嘢 OS ，單係外型上已經叫人心動，可以快啲出就好啦！
▲ 再睇多次，呢隻錶個外型真係令人有種「嘩！」一聲嘅衝動！
