| |
1. 兩步驟驗證（2-Step Verification）
兩步驟驗證喺現今最多銀行、大機構廣泛使用的保安方式，而 Facebook 都有支援兩步驟驗證。兩步驟驗證方法好簡單，除了自己嘅麻煩，仲要輸入由 SMS 或利用 Facebook 手機 Apps 中嘅代碼產生器中嘅一次性密碼。兩組麻煩先 OK，才可以登入。除非你部手機俾人偷左然後俾人破解到手機屏幕鎖之外，基本上難以入侵。所以特首話 FB 被人 Hack 左，可能連佢手機都無埋！好大件事架喎。
▲ 要喺 Facebook 設定兩步驟驗證好簡單，只要喺網頁版 Facebook 右上角嘅箭嘴中按下設定。
▲ 其次喺帳戶保安中選擇開啟登入許可。
▲ 如果你唔想下下都係收 SMS，都可以選擇代碼產生器，而你咁就可以用手機去產生一次性密碼方便登入。
▲ 代碼產生器就喺大家手機嘅 Apps 中已經有，變相喺一D未登入過嘅瀏覽器上就可以使用安全代碼登入。
2. 檢查已儲存嘅瀏覽器
▲ 同樣地都係 Facebook 帳號保安設定，你可以睇到你過往喺咩到登入過 Facebook，並有儲存過，如果肯定係屋企／已知安全嘅裝置就不必理會，但見到有奇怪嘅瀏覽器可以移除左先，因為喺已儲存過的瀏覽器上不必使用兩步驟驗證。
3. 檢查登入位置
▲ 可以檢查自己曾經喺咩地方到登入過，而又無 logout ，如果肯定係屋企／已知安全嘅裝置就不必理會，不過喺一D未去過嘅地方又有登入嘅記錄，立即點擊「退出」以策安全。
小結：網絡安全十分重要
香港人上網已經成為其生活習慣之一，網絡安全可能大家成日忽視嘅問題，輕則是個人資料外泄，重則就好似某立會議員咁損失埋金錢。兩步驟驗證好簡單，但有好高嘅保安功用，除左 Facebook 外，其實 Google 帳號、Yahoo Mail 等等大公司都支援兩步驟驗證。小弟在此呼籲各網友睇完呢篇文，盡快設定兩步驟驗證及檢查以策安全。最後，到底梁振英係咪真係俾人入侵帳號而 follow 日本 AV 女優呢 ? 呢個有待調查了。網友你話呢？
