主題:有近千的士司機採用!即日起收八達通付款!版主話你知有乜著數

ePrice HK
  • 發表時間:2018-05-03 14:42 收錄檢舉
    早幾日版主 Keith 已透露過,八達通會再推的士接受八達通付款。今次司機只要一部支援 NFC 嘅 Android 裝置/手機,配合八達通商用版 App 就可以收錢。今日 3/5 八達通宣佈了使用詳情。八達通會唔會好似滴滴打車香港版咁,係香港大灑金錢推流動支付?今日起用八達通俾的士錢,有無著數?即睇!

    有近千的士司機採用!即日起收八達通付款!版主話你知有乜著數

    今日 (3/5) 八達通宣佈再推的士費電子(八達通)付款服務。之前已講過,今次八達通會採用早前研發嘅八達通商用版 App,配合支援 NFC 嘅 Android 裝置進行。乘客可以用 O! ePay App 嘅 QR Code 或甚至好似去便利店買嘢咁,用八達通直接 Do 卡付款。八達通表示,目前已有超過 1000 名的士司機,申請商戶 O!ePay 賬戶,呢一千個司機,好有機會係的士收八達通。

    大家都記得滴滴打車香港版 DiDi 香港推出三個星期五,用信用卡俾的士錢最多有二百蚊優惠,聽日 4/5 會係最後一日,唔知之前大家有無用過

    咁今次你用八達通俾的士錢,大家有無著數?答案係:無.無.無。

    不過咁,的士大佬肯  Set Up 八達通收費系統,佢地有著數:
    即日起至 2018 年 6 月 29 日,的士司機開立商戶 O!ePay 賬戶,可享
    -HK$150 迎新獎賞及 HK$200 獎賞 (若司機於首 30 日內累積收取的士費總額達到 HK$1000)
    -  豁免首 12 個月銀行賬戶資金轉賬費 (標準收費是 1%)


    有近千的士司機採用!即日起收八達通付款!版主話你知有乜著數

    有近千的士司機採用!即日起收八達通付款!版主話你知有乜著數

    八達達表示,新嘅八達通商用版,已支援語音輸入銀碼,司機只要用口對住個 App 講價錢就可以。此外,雖然現在只支援 T+1 日過數俾司機,但當 9月份政府推「快速支付」系統,可以做到即時過數。除此之外,八達通已與 Call 的士 App「飛的」及「We-Taxi HK」合作,未來可以係的士 App 揾到支援收八達通的士錢嘅司機,另一方面,亦有專用介面方便用八達通俾的士費。

    最重要,要講多次:五月四日:DiDi 香港請你免費搭的士!最多慳六百
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁