主題:鬥 WeChat Pay,飛甩「支付宝」!香港人返大陸可用支付寶 HK!

ePrice HK
  • 發表時間:2018-09-29 12:44 收錄檢舉
    大陸人成日講到,支付宝、微信支付喺大陸有幾咁方便,可以唔使帶錢出街,一部手機就可處理大部份的支付。但版主想試下返大陸開個支付宝、微信支付 account,但往往要增值果下又好麻煩,一係就要有大陸銀行卡,一係就喺香港搵啲找換店,有啲店舖會幫你增值,但匯率就會貴啲。對於香港人嚟講,好唔方便。好在,版主 Keith 早前就分享過一個好消息:WeChat Pay 香港版將可在中國大陸使用。而在昨日的金管局記招中,支付寶 HK 亦表示,支付寶 HK 將可在海外、甚至中國內地進行支付,可惜......

    鬥 WeChat Pay,飛甩「支付宝」!香港人返大陸可用支付寶 HK!
     

    首先同大家分享一下,早前支付寶 HK 向傳媒發出的新聞稿內容:

    目前AlipayHK電子錢包於跨境支付技術層面已準備就緒,為求上線後帶來更好更全面的消費體驗,正在和多個國家及地區有關部門和商戶洽談合作的最佳方案,令市民於香港境外亦能如在本地一樣使用電子錢包。AlipayHK致力將智慧外遊拓展至全球各地,在確保符合本地及相關地區監管要求的情況下,於港人熱門旅遊目的地使用基於AlipayHK電子錢包的各種便捷服務。

    AlipayPaymentServices(HK)Limited(APSHK)行政總裁陳婉真表示:「AlipayHK專注為市民解決生活帶來的不便,譬如外遊時找不到找換店、帶不夠現金等。我們看到熱愛旅行的港人對境外消費的熱切需求,因而著力開拓境外旅遊網絡,希望於未來數月從最受香港人歡迎、最經常去的國家和地區開始實現智慧外遊,令大家於境外亦能享受到AlipayHK電子錢包的貼心服務。」


    就咁睇呢段嘢,可能會覺得有點離地,雖然好多人都鍾意去旅行,但普遍來說一年都去唔到幾多次,大家可能未必關心,到底 AlipayHK 外遊時用唔用到。不過在昨日金管局舉辦的記招中,版主就向支付寶 HK 了解過,佢哋表示未來支付寶 HK 電子錢包,就算返大陸都可以用得到,唔使再特登裝個大陸「支付宝」。連大陸都用得到,咁今次支付寶 HK 係真真正正的打通國際。

    不過,幾時可以正式用到呢?未知,暫時未有期,支付寶 HK 只能說:「好快」。佢哋現階段正跟國內、海外的商戶洽談,並且等一切都穩定後,再會正式推行。雖然暫時未知幾時用到,但你又覺得是否值得期待下呢?你又會撐支付寶 HK,抑或 WeChat Pay 呢?留言講下你嘅意見啦!
     

    「轉數快」快速支付系統 /FPS 攻略

    懶人包!香港人一定要識!一文即懂用「轉數快」過數
    立即登記「轉數快」FPS! 一文睇晒銀行、電子錢包優惠
    「轉數快」FPS 係咪咁方便?3 個你要知嘅麻煩與問題
    鬥 WeChat Pay,飛甩「支付宝」!香港人返大陸可用支付寶 HK!
    免出門!唔使搵 7-11!用「轉數快」三步銀行轉賬至八達通

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁