主題:港鐵 QR Code 入閘,但 Tap & Go 竟然無份!?

ePrice HK
  • 發表時間:2018-11-23 19:22 收錄檢舉
    話說,差點連版主自己都忘記了,原來大概在一年之前,版主曾經寫過一篇文章,講述我同 Tap & Go 主管坐低探討未來電子錢包喺香港的發展和應用。當時 Tap & Go 主管就表示,香港電訊有意讓 Tap & Go 俾公共交通費用,只不過係未過到政府果關。最近,港鐵公司就批俾三間服務供應商入閘用 QR Code,但就居然沒有 Tap & Go 份。又話想咁咁咁,但有得俾你做又唔做,係咩玩法呢?

    港鐵 QR Code 入閘,但 Tap & Go 竟然無份!?

    想可以在港鐵公司用 QR Code 入閘?其實好簡單。之前港鐵公司都開放俾服務供應商競投,成功競投的服務供應商,預計到 2021 年中開始,就可以用 QR Code 入閘。不過,Alipay HK 就有例外,可以在 2020 年搶先取得 12 個月獨家權。

    而最新同港鐵公司簽定合同的,有三間公司,分別為 WeChat Pay、TNG 以及銀聯,但卻偏偏沒有 Tap & Go 份。點解會無 Tap & Go 份呢?相信係因為 Tap & Go 根本就無參與競投,如果唔係,我又唔係好信 Tap & Go 會爭唔贏 TNG。

    當初又係 Tap & Go 高層講話有意做到令 Tap & Go 都可以掃 QR Code 入閘,又話唔係唔想做,只係未過政府果關,係政府問題。而家唔係唔俾機會你,明明有得競投但又唔玩,到底背後又有咩嘢原因呢?你又點睇呢?

    立即加入Facebook 專頁,新聞/消息/優惠,最快知。

    01樓 ▲TOP 回列表頁