主題:claim 爆佢!一文睇晒 點樣申領公共交通補貼計劃及額外著數

  • 發表時間:2019-02-15 18:30 收錄檢舉
    2 月 16 日係乜大日子?就係全港交通皮費好重嘅市民,可以申領一月份交通費嘅大日子!以後每個月中,都可以申領上一個月交通津貼,多起上來,可以 claim 足三舊水!呢個政府,無乜好,但突然派錢,無理由同佢慳!立即教你點申請!

    claim 爆佢!一文睇晒 點樣申領公共交通補貼計劃及額外著數
     

    乜嘢係「公共交通補貼計劃」?

    呢個計劃於 2019 年 1 月 1 日正式實施。係香港政府派糖嘅政策,目的是補貼香港交通費太貴嘅民生問題。呢個計劃是咁的,當你每個月交通費超過 $400,其後的車費將可獲補貼 25%,最高補貼金額為 $300。

    舉個例:每個月車費為 $600,咁可以補貼的費用為 ($600-$400) x 25% = $50。
    消費 600,回贈 $50,足 8% ,勁過信用卡! 
     
    幾時可以攞補貼?
    2019 年 2 月 16 日 (六)。

    包括乜交通工具?
    巴士、小輪、港鐵、專線巴士、部份村巴。

    點知你有幾多開支?
    公共交通費用計劃,要用八達通作為媒體,所以計算當中,你用現金,或者最近開通小巴支支援嘅 Alipay HK 都唔會計算在內。
     

    點樣 Claim?


    Android / iOS 用家:
    001:透過八達通 App 開通、查詢及申領。
    002:Android 手機用家,手機必需支援 NFC 功能、iPhone 用家必須另外購買八達通流動讀寫器配合

    不使用手機:
    001:先到港鐵站、輕鐵客務中心及指定渡輪碼頭內設置的補貼領取站開通及查詢
    002:到港鐵站、輕鐵客務中心及指定渡輪碼頭內設置的補貼領取站、任何一間 7-11、OK便利店、惠康申領。

    有關八達通申領方法,可按呢到
     

    有乜優惠?

    7-11 便利店  即賺十蚊
    2019 年 2 月 16 日至 2 月 27 日,只要用八達通成功領取交通補貼可獲 $10 現金券,而只限換取一次現金券以收據形式列印

    OK 便利店  一樣賺十蚊
    2019 年 2 月 16 日早上 7 時至 2 月 27 日,只要用八達通成功領取交通補貼可獲 $5 現金券 2 張,而只限換取一次現金券以收據形式列印;此外10現金券將以2張$5現金券形式送出。使用條款,請參閱券上細則。

    claim 爆佢!一文睇晒 點樣申領公共交通補貼計劃及額外著數claim 爆佢!一文睇晒 點樣申領公共交通補貼計劃及額外著數

    立即加入Facebook 專頁,新聞/消息/優惠,最快知。

    01樓 ▲TOP 回列表頁