主題:1 月 1 政府派錢補貼交通費!立即更新八達通 App 攞錢最快!

ePrice HK
  • 發表時間:2018-12-19 17:00 收錄檢舉
    香港乜都貴,其中一項每個月用得最多,就係交通費。難得政府做到嘢,於 2019 年 1 月 1 日推出「公共交通費用補貼計劃」,呢個計劃,你坐公共交通工具,就關你事!搭得多,政府派番錢俾你。要最快攞到呢畢錢,原來要靠佢:八達通 App!

    1 月 1 政府派錢補貼交通費!立即更新八達通 App 攞錢最快!
     

    乜嘢係「公共交通費用計劃」?

    呢個計劃於 2019 年 1 月 1 日正式實施。玩法就係,當你每個月交通費超過 $400,其後的車費將可獲補貼 25%,最高補貼金額為 $300。

    舉個例:每個月車費為 $600,咁可以補貼的費用為 ($600-$400) x 25% = $50。
    消費 600,回贈 $50,足 8% ,勁過信用卡! 

     

    幾時可以攞補貼?

    2019 年 2 月 16 日起。
     

    八達通 App 變 claim 錢神器

    呢個「公共交通費用計劃」回贈,全部要用八達通 claim 數。錢是不會自動跌入你個八達通戶口,係要透過申領程序,最快最方便方法:用八達通 App!

    八達通卡有限公司今日宣佈,推出優化版八達通 App,除了可毋須依靠 NFC 裝置,隨時查閱過去 3 個月的八達通消費紀錄,最重要就是,當推出「公共交通費用補貼計劃」後,並於 1 月 1 日更新八達通 App,不單止可以查閱每月的公共交通開支,仲可以透過八達通 App 領取補貼 (適用於支援 NFC 的 Android 裝置,或與八達通流動讀寫器連接的 iOS 裝置)。

    即有 NFC 嘅 Android 手機、有買八達通流動讀寫器連接的 iPhone 用家,你部手機,你個八達通 App,,就係用來 claim 錢,要係個 App 到 claim 錢,再係手機拍八達通卡,呢單回贈就會存入你個八達通戶口,唔做呢個程序,無架!

    所以再提多次,Mark 低 1 月 1,更新八達通 App 隨時隨地攞回贈啦!
     

    後話:當然,你唔鍾意用 App,都可以直接去 7-11、OK、惠康或者「八達通服務站」領取補貼金額,但相對用 App,就當然無咁方便啦!


    簡單來說:
      有 NFC / 有八達通流動讀寫器 無 NFC / 沒有八達通流動讀寫器
    Android / iOS 用家 - 八達通 App
    - 港鐵站、輕鐵客務中心及指定渡輪碼頭內設置的補貼領取站
    - 任何一間 7-11、OK便利店、惠康
    - 八達通服務站            
    - 港鐵站、輕鐵客務中心及指定渡輪碼頭內設置的補貼領取站
    - 任何一間 7-11、OK便利店、惠康
    - 八達通服務站   

    立即加入Facebook 專頁,新聞/消息/優惠,最快知。

    01樓 ▲TOP 回列表頁