主題:網友集體訴苦:淘寶、天貓雙 11 官方呃秤? 海關扣貨不退款?

  • 發表時間:2019-11-27 22:23 收錄檢舉
    不得了,本 YK 最近收到好幾個網友不約而同的投訴,一律怒罵中國網購平台天貓、淘寶(其實咪又係同一個集團):明明件貨得幾百克,最後收你幾公斤的運費;打算避開「雙 11」的失控物流? 提早 10 日買野都可以拖住你一個月都未收貨,又唔願意全額退款賠償。 阿里巴巴的網購平台真係咁差? 定係網友們自己的失誤? 到底阿里官方有無任何規則可從?  一齊睇下啦 ~

    網友集體訴苦:淘寶、天貓雙 11 官方呃秤? 海關扣貨不退款?

    多字正文
    其實,本 YK 近年都已放棄了中國的網購平台,皆因自己都曾經中過伏:產品質量差、官方出錯卻死不退款、運輸時間難以估計等等。而今次挑選分享的其中兩位比較離譜的個案,我相信以中國近代偉大的成就,肯肯定只係 14 億人中的個別例子,只係佢地唔好彩咋! 但我都樂意將特殊個案寫出黎警世 ~ 哈哈 ~ (以下截圖會遮蔽部分資料)

    網友集體訴苦:淘寶、天貓雙 11 官方呃秤? 海關扣貨不退款?
    ▲ 網友 A 君自覺聰明,在 10 月尾分別於不同的天貓網店購入了耳機、充電線、手機套,認為能夠避開過往「雙 11」的物流大混亂的情況; 貨品亦在 11 月 2 日於官方集運倉出貨,並完成中國口岸的報關手續。

    網友集體訴苦:淘寶、天貓雙 11 官方呃秤? 海關扣貨不退款?
    ▲ 到了 11 月 5 日,物流狀態一路無更新,所以 A 君找了線上客服人員查問狀態;其實 A 君也是淘寶老手,知道直接寫「轉人工」就會有真人客服出現。

    網友集體訴苦:淘寶、天貓雙 11 官方呃秤? 海關扣貨不退款?網友集體訴苦:淘寶、天貓雙 11 官方呃秤? 海關扣貨不退款?
    ▲ 客服話無辦法立刻查閱資料,叫 A 君留一個電郵地址等通知;本 YK 已經聞到好大陣伏味 ~

    網友集體訴苦:淘寶、天貓雙 11 官方呃秤? 海關扣貨不退款?
    ▲ 11 月 7 日仍未收到任何回覆,A 君又找客服了。

    網友集體訴苦:淘寶、天貓雙 11 官方呃秤? 海關扣貨不退款?網友集體訴苦:淘寶、天貓雙 11 官方呃秤? 海關扣貨不退款?
    ▲ 對話中間 A 君都忍不住開火,因為同期購買的另一個包裹已經送到香港;官方客服承諾如果等多一日都無消息,可以申請退款。 

    結果,11 月 8 日一如所料無消息,所以 A 君又搵客服全力開火! 中間好多令人打冷震的說話我就唔 CAP 出黎喇,總之就係每隔兩日 A 君就問一次,每次阿里巴巴官方都係有各種解釋,包括但不限於:「跟進中」、「索取倉庫交接清單」、「海關清關中」等等。 咪住! 一開始唔係已經話完成報關嗎? 

    無論如何 A 君依然只有「三無」回覆:無法知道貨物何時發出、無法知道海關為何完成報關後又要清關、無法獲得肯定答覆可以退回全額貨款和運費。如是者一路來來回回玩到 11 月 23 日,事情終於有轉機!

    網友集體訴苦:淘寶、天貓雙 11 官方呃秤? 海關扣貨不退款?
    ▲ 終於有一個客服願意講出有進展的說話:貨被海關扣押! 咁到底係乜貨出問題被扣押呢?

    網友集體訴苦:淘寶、天貓雙 11 官方呃秤? 海關扣貨不退款?
    ▲ 在云云眾多充電線、電源轉插頭等貨品中,對講機耳機線被客服說成是可能導致被扣押的原因:電子配件。

    黎到呢度,連本 YK 都覺得好 X 煩,拖成個月但最後比個理由係海關扣貨。好喇,咁我叫 A 君去申請退款,起碼錢翻黎先。點知又有花生,11 月 24 日搞退款的客服回覆話不允許退款,最多只能退運費,貨款不能退。

    網友集體訴苦:淘寶、天貓雙 11 官方呃秤? 海關扣貨不退款?
    ▲ 客服仲話貨物在海關清關中,請耐心等候送貨 ~

    黎到呢度 A 君當然再無辦法忍受,直接開始問候客服家人身心安康喇! 結果,在 11 月 25 日某個聲稱係阿里巴巴官方客服(3 字頭香港號碼)打黎話願意退款。 但原來所謂的退款係退落去「紅包」度,並非原路退款,姐係呢筆所謂的退款,你只能再次用在阿里巴巴的網購平台上。 原本 A 君話難以接受,呢種做法等於你在大型電器店鋪買了一個雪櫃,結果雪櫃一個月都未送到貨,你話要退款但收到的卻係電器店的代用卷。。。

    但本 YK 本著慈悲為懷的心態,勸勉 A 君要包容特殊情況,「紅包」一樣袋住先。 而到呢一刻 A 君的事情歷時一個月終於落幕。 但熟悉海關運作的本 YK 可以告訴大家,其實阿里巴巴官方有承諾 3 個工作天內送到貨、有晒超期賠償方案,但如果客服同你講係海關原因(呢個理由你無得證實,任佢吹的),所有承諾自動作廢

    另一位苦主 B 君遇到的情況係「淘寶官方呃稱 / 呃重量」,也就是貨品不足半公斤,亦當你超過一公斤計算!

    網友 B 君就睇中雙 11 購物優惠,所以在雙 11 凌晨就光速採購了一堆貨品,然後付款等收貨。 果然,這個貨隔了 10 天就送到! 但 B 君好無聊,突然發現了官方的過磅報值有古怪。

    網友集體訴苦:淘寶、天貓雙 11 官方呃秤? 海關扣貨不退款?
    ▲ 本人非常好奇阿里巴巴集運倉的磅係咪「古惑的磅」,一件正常一件輕巧,可以來回交替咁出重量數值;一個平板套的重量跟手提肌肉按摩機相若,學 B 君話齋得兩個可能:部按摩機係假的、得個殼,或者個套係金屬造。

    網友集體訴苦:淘寶、天貓雙 11 官方呃秤? 海關扣貨不退款?
    ▲ 遇到官方集運倉呃秤,當然 B 君直接去搵阿里巴巴客服投訴,申請要求退款;又提交晒過磅圖片、訂單資料等。

    網友集體訴苦:淘寶、天貓雙 11 官方呃秤? 海關扣貨不退款?
    ▲ 結果,第一次申請失敗! 原來相片要露出埋應該露出的四角 + 面單,所以 B 君重新搞多次。

    投訴結果係點? 結果係搞了好幾次都話圖片唔符合要求,最後 B 君好似放棄了,而本 YK 都唔敢多問,因為每次想問都會怕控制唔到自己大笑 ~

    結論:
    我相信各位網友都會同我一樣相信上述只係個別例子,點會成日出現「貨品就 20 蚊、運費就收你 50 蚊」的呃秤事件呢?不過,最近確實多了不少網友向本 YK 訴苦,原來扔爛貨品 NOT BIG DEAL ~ 本 YK 事後都同 A 君 B 君講,貪果少少價錢的優勢,最終損失的卻是大量時間和精神,真正「來回地獄又折返」~

    題外話:有無其他網友又遇過神奇的網購經歷? 不妨留言一齊分享下啦 ~ 
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁