主題:網購優惠!九巴仔口罩 $2 一個,兩盒 Thx 已有勁靚禮物

ePrice HK
  • 發表時間:2020-10-01 13:16
    我哋 ePrice 唔係乜口罩都推介,都唔係見乜口罩減價都介紹。但版主真心愛用「九巴仔」,即係九巴出嘅本地口罩。呢幾日做緊送禮優惠,兩盒 Thx 已有好精美嘅九巴禮品,其中呢款,我一見即愛。係未出呢篇文之前,我好多朋友都買咗,好誇張。

    網購優惠!九巴仔口罩 $2 一個,兩盒 Thx 已有勁靚禮物

    由九巴推出口罩嗰日,我已經好撐,因為賣得好平,平均兩蚊一個,除咗一盒五十個裝,仲有售賣機,十個十個咁賣,都係平均 $2 一個,唔會細包裝就加價。我認為九巴自己出口罩,都會畀佢哋員工用,質素唔會差。事實上,坊間口罩 KOL 都出過片,話要買平口罩嘅話,可以選擇九巴口罩。

    由佢哋開頭只係標 BFE 95%,到後來升級至 ASTM Level 1,原來最近過埋 ASTM Level 2 水準,照係賣返 $2 一個,仲出埋大人細版,同小童 Junior 版。讚成咁,有乜優惠?睇以下張圖啦!

    網購優惠!九巴仔口罩 $2 一個,兩盒 Thx 已有勁靚禮物

    最吸引我嘅係九巴版大富翁,真係我嘅童年回憶,一班朋友圍住玩,今次九巴特別版,即係棋子變晒做九巴嘢...勁正。有朋友話個錢箱都好掂!優惠做到十月七日,網購就得,條 Link 係呢度

    立即加入Facebook 專頁,新聞/消息/優惠,最快知。

    01樓 ▲TOP 回列表頁