主題:Uber 宣佈收購 HKTaxi!一文即睇 Uber Taxi、HKTaxi 不同

ePrice HK
  • 發表時間:2021-08-20 18:16 收錄檢舉
    平時趕時間,想叫車,我好多時都會用 Uber 或者 Gogovan,去 call 私家車或者貨 Van,視乎我多唔多人拎。反而 HKTaxi 呢個用嚟 call 的士嘅 App,我自己就比較少用。唔知大家平時又多唔多用 HKTaxi 呢?而 Uber 為咗想打入的士行業,今日宣佈收購 HKTaxi,唔知到最後,又能唔能夠做得成功呢?

    Uber 宣佈收購 HKTaxi!一文即睇 Uber Taxi、HKTaxi 不同-0
     

    Uber 同 HKTaxi 有乜唔同?

    講起 Uber,其實 Uber 本身都有個服務叫 Uber Taxi,畀你叫去的士,最近見到佢哋改埋哂啲奇奇怪怪名,變咗做「優步小黃」。而佢哋價格比起一般叫 Uber X 私家車平少少,而且係按路程固定收費,唔使驚司機周圍兜路收貴咗你,出發前你已經知道實價。而 HKTaxi 就唔同,如果你打開佢哋嘅 App,只會見到佢係寫住「估計:$XXX-$XXX」,只係大概嘅數值,實際幾錢都係跟咪錶去計,真係遇到唔好嘅司機,帶你兜路,咁可能就會因此而貴咗。

    不過呢,如果有時你住嘅地方比較偏僻,例如元朗嘅村屋咁,Taxi 未必肯駛入去,比較難叫車,所以 Uber Taxi 同 HKTaxi 都未必會啱用,呢種情況就需要叫 Uber X (而家叫「菁英優步」)。

    至於付款方式部分,Uber 係用 Apple Pay / 信用卡 / PayPal 付款嘅,而如果係 HKTaxi 呢,你可以揀用現金付款,亦都可以喺個 App 度用 Apple Pay / 八達通 / 信用卡付款。另外,而家 Citi 信用卡有同 HKTaxi 合作,表示話程程有賺,每階段可享高達 $120;而 Uber 就可能相對較少呢類型嘅優惠了。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁