唔覺唔覺到左 5 月，不少人可能都 Plan 緊暑假飛去笫二度去旅行，你係住新界、離島村屋或者係舊樓，保安唔太好，有番 d 監視器材遙距睇睇屋企有無可疑人士經過就好重要，畢竟近半年也發生過幾單入屋爆竊案，仲要係富豪屋企！
你以為你無咁多貴重野比人偷，咁諗就錯，只係我地 d 升斗市民村屋比人爆無幾可比新聞報出 o黎 je。要架設一個防盜系統其實無各位諗咁貴同咁難，NETGEAR Arlo Pro 就係其中一個選擇（其實家用要無線唔揀佢都無選擇）。
IP67 日曬雨淋都唔驚
NETGEAR Arlo Pro 是一個防盜拍攝套裝，一套包括 2 個 Arlo Pro 拍攝鏡頭同 1 個無線接收機座，將 2 個鏡頭 Set 好拍攝位置，如門口、窗台，同接駁好無線接收機座同做簡單設定就可以進行拍攝。鏡頭拍攝視角達 130 度，可拍攝 720p 影片，除了放在室內拍攝外，它又有 IP67 防水防塵功能擺o係室外拍攝都無問題！
▲有IP67 防水防塵功能，室內室外都用到。
▲細細隻唔易比人發現。
100 dB 警報聲嚇走小偷
至於防盜功能方面，它有移動偵測功能，啟動及設定好就可以偵測指定範圍，假如在設定的時間或是範圍內有移動，如推門、有人由窗入屋，就會有警報電郵同 Push 發送至電郵同手機，而 Arlo Pro 比其他同類產品優勝的地方係佢有警報聲，可以主動出擊嚇走小偷，一般只是發個通知比你，你報得警、警察到場，個賊都走左九里遠。
至於警報聲方面，音量有成 100 分貝比起女士用的防狼器只有 80 分貝仲要嘈好多，嚇唔到入侵者，都可以引到隔籬屋 d 人望下。除咗手動啟動警報聲之外，又可以設定成監視位置有物件移動或有聲響就會自動啟動警報聲。
▲ 無線機座可發出 100dB 警報聲。
▲只要監察範圍有活動就會發出通知比用家遙距監視。響聲比坊間買到的防狼器更嘈，可以嚇走賊仔。
用 NETGEAR Arlo Pro就可以安心出門去旅行，如果覺得 2 支 Cam 唔多夠用，亦可以額外購買 Arlo Pro 鏡頭，無線機座最多可支援 5 支 Cam 連入，從此可以全時監察屋內外情況！