主題:武漢肺炎影響大舖生意!但呢類產品銷量,居然不跌反增?

ePrice HK
  • 發表時間:2020-02-29 13:48 收錄檢舉
    武漢肺炎疫情持續,唔少人為咗「避炎」,唔係太敢出街,好似早幾日行過旺角女人街,行人又少,旅客都少,旺角區嚟講,真係好耐都無試過出現咁嘅現象。而唔單止街邊檔、舖頭仔,其實大舖生意都受到好大影響,顧客相較之前少咗好多,手機、相機等銷量都大幅下降,但有大舖職員就表示,有類產品嘅銷量,居然不跌反增。你估唔估到係乜呢?

    武漢肺炎影響大舖生意!但呢類產品銷量,居然不跌反增?

    消費意慾降低,呢個係鐵一般嘅事實,特別係手機、相機呢啲產品,手上果部未壞,都嘥住啲錢,唔想浪費,畢竟呢期大家搶口罩、買清潔用品,都搞到元氣大傷,等政府果 $10000 抗疫基金,又短期內都無得攞。

    然而,根據某大舖店員透露,雖然手機、相機銷量下跌咗唔少,但反而筆電嘅銷量就不跌反增,原因可能係,學生長期停課,好多學校都轉哂網上授課 / 要學生網上交功課,就算唔係為咗學業上,平時由朝到晚留喺屋企咁悶,有部電腦打下機消磨時間,都好有用。可能因為咁,就令到筆電無啦啦喺呢段時間多咗人買。網友又點睇呢?

    立即加入Facebook 專頁,新聞/消息/優惠,最快知。

    01樓 ▲TOP 回列表頁