$2400 舊代 Mac mini 清貨！當買部上網睇片迷你機，抵？

左定坤 (Cho Ting Kwan) 2020-04-03 14:42 | 電腦硬件

昨日版主就分享過，中原推出相機陳列特賣區，將一堆相機、鏡頭清貨，雖然是陳列品，但中原表示都會按發單計有一年保養，那都算是可以稍為放心一點。然而除了相機，中原還有一件非相機類的產品，一樣正做清貨優惠，$2400 買到舊代 Mac mini，當買部上網睇片迷你機，網友又會否考慮呢？睇下文啦！



可以見到，除了相機之外，原來產品櫃上亦都放了一堆 Mac mini，寫着陳列價為 $2400。不過，中原後來 confirm 我，原來 Mac mini 無得保，同埋 $2400 肯定不會是新款，到底它的硬件規格是怎樣的？版主都向中原取得這部 Mac mini 的資料，原來它的規格是：

這部 Mac mini 型號為 MD387ZP / A，配備了 2.5GHz Intel Core i5 雙核心處理器，並內置 4GB RAM 以及 500GB HDD。版主對應返這部 Mac mini 的規格，應該是屬於 2012 年的版本，現賣 $2400 這個價，你又覺得值得入手嗎？留言討論下吧！