主題:行貨來了!日製商務機王 VAIO Z SIGNATURE EDITION 性能實測

  • 發表時間:2021-03-14 09:46 收錄檢舉
    如果要問最令人期待的筆電名單,VAIO Z 2021 版肯定會係其中一部。 保持日本製造的優良傳統,配合真全碳纖機身的造工,更特別係 VAIO Z 採用一般輕薄機都避免採用的高性能 H 尾綴的型號處理器,其他廠搞唔掂的散熱,VAIO Z 稱有自家強化散熱的設計。 最近香港行貨終於有消息,原來直接推出最高階頂配版 VAIO Z SIGNATURE EDITION! 真機已經到手,等我同大家做翻套實測,睇睇呢部商務機王有幾厲害!

    行貨來了!日製商務機王 VAIO Z SIGNATURE EDITION 性能實測-0

    配件一覽
    碳纖筆電其實之前有其他廠用緊,但只係得部分位置用,因為技術唔夠班、以及成本太高昂。 但日本匠人精神真係不得了,VAIO Z 直接比到 4 面全機體碳纖材料,碳纖維的特性是強韌和輕巧,揸落去好似塑膠版咁,但韌度強度卻異常地高,超級跑車所採用的碳纖外殼亦係同類物料。 普通版 VAIO Z 會用黑色塗層掩蓋住碳纖物料獨特的紋路,只有在香港版 SIGNATURE EDITION 上才能見到若隱若現的 CARBON FIBER 碳紋。

    行貨來了!日製商務機王 VAIO Z SIGNATURE EDITION 性能實測-1
    ▲ 真機登場! 已可用肉眼見到隱若的碳纖紋路,配件上有一組 USB-C 充電火牛。

    行貨來了!日製商務機王 VAIO Z SIGNATURE EDITION 性能實測-2
    ▲ 充電火牛提及相當細小,同一般手機用火牛無太大區別。

    行貨來了!日製商務機王 VAIO Z SIGNATURE EDITION 性能實測-3
    ▲ 火牛支持 5V/3A、9V/3A、15V/3A、20V、3.25A 四種輸出模式,支持最高 65W PD 快充模式,號稱最快 60 分鐘充 7 成電。

    行貨來了!日製商務機王 VAIO Z SIGNATURE EDITION 性能實測-4
    ▲ 你睇個 USB-C 接頭造工相當紮實,又粗又厚令人相當安心。

    行貨來了!日製商務機王 VAIO Z SIGNATURE EDITION 性能實測-5
    ▲ 標準可拆式電源線,可以自行更換成更短的三腳插線,更方便外出公幹時攜帶。


    機身外觀
    行貨來了!日製商務機王 VAIO Z SIGNATURE EDITION 性能實測-6
    ▲ 再望真多次,VAIO Z SIGNATURE EDITION 係擁有天然碳纖堆疊的紋路,每一部機的紋路都不同。根據 VAIO 官方介紹縱橫交錯的碳纖維堆疊成型,並亦 3D 立體成型方式一塊過建立出轉角、彎曲位等。所以,機體本身通過軍規級耐用測試,高度達到一米跌落都機體依然能運作。

    行貨來了!日製商務機王 VAIO Z SIGNATURE EDITION 性能實測-7
    ▲ VAIO 的日本製造工藝,除了是精密可靠的代名詞之外,更重要係設計實用,實而不華係商務機應有的設計元素。

    行貨來了!日製商務機王 VAIO Z SIGNATURE EDITION 性能實測-8
    ▲ 碳纖維其實係會阻礙天線信號收發,所以頂部留空左一條寬厚的信號位,確保 VAIO Z 的無線網絡受到最少的干擾。

    行貨來了!日製商務機王 VAIO Z SIGNATURE EDITION 性能實測-9
    ▲ 機身底部一樣都係碳纖殼,佈滿最簡單的十字螺絲,對於快速維修 / 自己維修黎講係一大好處(當然無人希望要用到維修服務啦 ~)。

    行貨來了!日製商務機王 VAIO Z SIGNATURE EDITION 性能實測-10
    ▲ 機身底部除了螺絲穩固之外,亦用上類「入榫」卡位的方式,並加一條防滑膠。

    行貨來了!日製商務機王 VAIO Z SIGNATURE EDITION 性能實測-11
    ▲ 機身前沿有左右兩個外放喇叭,獲得 Dolby Audio 加持。

    行貨來了!日製商務機王 VAIO Z SIGNATURE EDITION 性能實測-12
    ▲ 全新設計的轉賬位置配備一條防滑膠。

    行貨來了!日製商務機王 VAIO Z SIGNATURE EDITION 性能實測-13
    ▲ 香港版暫時未見有 Cellular 版,但 SIM 位就已預留好,唔知之後有無得加錢升級呢?

    行貨來了!日製商務機王 VAIO Z SIGNATURE EDITION 性能實測-14
    ▲ 機身角落位可以見到碳纖底蓋 3D 立體成型的實際效果。

    行貨來了!日製商務機王 VAIO Z SIGNATURE EDITION 性能實測-15
    ▲ VAIO Z 最獨特之處,肯定係呢塊斜面金屬塊; 從幾何結構上黎睇,呢個斜面係會有助加強碳纖維結構的硬度; 碳纖維物流如果係平面板塊,會因為韌性大而容易彎曲,但如果塑造成立體,有菱角有彎曲位的話,就會變成強結構立體。呢塊金屬塊本身裝飾用途為主,但下面的斜面先具備實際用途。

    行貨來了!日製商務機王 VAIO Z SIGNATURE EDITION 性能實測-16
    ▲ 金屬塊的末端仲有一粒小小軟膠,係揭開個芒時,屏幕外殼邊沿和桌面的接觸點。

    行貨來了!日製商務機王 VAIO Z SIGNATURE EDITION 性能實測-17
    ▲ 從檯面上攞起部 VAIO Z 會比其他筆電更輕鬆容易,因為VAIO 特意將機身後方整成倒梯形立體,四隻手指就有空間伸入去,配合大拇指更穩固地抓起機身。 「有個位比你一抽就攞得起」,亦體驗日本人玩實用設計的細緻認真程度。

    行貨來了!日製商務機王 VAIO Z SIGNATURE EDITION 性能實測-18
    ▲ 機身最薄的部分只有 12.2mm 厚度,而 VAIO Z 的重點大約是 1kg 左右,視乎個別型號,我手上這部頂規版實測重量是 1.017 公斤,咁樣的性能配置下絕對係相當輕巧。

    行貨來了!日製商務機王 VAIO Z SIGNATURE EDITION 性能實測-19
    ▲ 機身左側有用安全鎖孔、USB-C Thunderbolt 4 接口(支持 USB PD 充電)、 3.5mm Combo Jack 接口。

    行貨來了!日製商務機王 VAIO Z SIGNATURE EDITION 性能實測-20
    ▲ 右側擁有 HDMI 輸出,另一個 USB-C Thunderbolt 4 接口(同樣支持 USB PD 充電)。 

    行貨來了!日製商務機王 VAIO Z SIGNATURE EDITION 性能實測-21行貨來了!日製商務機王 VAIO Z SIGNATURE EDITION 性能實測-22
    ▲ VAIO Z 特殊設計的散熱方案中,左右兩側皆是出風口,雙風扇三熱導管設計,將風從機體後方抽入,再帶走廢熱從左右散出; 所以,提醒大家一個電腦應用小知識,如果你正在進行高熱量的性能操作,聽到風扇呼呼聲的話,記得將充電線擺放好,軟膠電線不能對正出風口喔 ~

    行貨來了!日製商務機王 VAIO Z SIGNATURE EDITION 性能實測-23
    ▲ 半開合狀態下的 VAIO Z 轉軸下沉,亦可以形成鍵盤傾斜度,令打字過程更舒服。

    行貨來了!日製商務機王 VAIO Z SIGNATURE EDITION 性能實測-24
    ▲ 全新設計的大幅度下沉式轉軸,支持 180 度的全開合角度,絕對是商務機必備的設計,但一般極少在輕薄筆電上看得到。

    行貨來了!日製商務機王 VAIO Z SIGNATURE EDITION 性能實測-25
    ▲ 真打平狀態就係咁,開合幅度咁大的話,方便我訓係床到擱住部筆電黎開工。


    內部佈局
    行貨來了!日製商務機王 VAIO Z SIGNATURE EDITION 性能實測-26
    ▲ VAIO Z 的 B 蓋和 C 蓋都係用碳纖維物料製成。

    行貨來了!日製商務機王 VAIO Z SIGNATURE EDITION 性能實測-27
    ▲ 鍵盤佈局同以前一模一樣,但鍵程深度增加提高輸入時的穩定性,而鍵帽塗層亦改良左,提供更佳的觸感。

    行貨來了!日製商務機王 VAIO Z SIGNATURE EDITION 性能實測-28
    ▲ 官方亦表示鍵帽上的字刻是重新設計過獨有的日系風格字體,我估計要對美學相當有研究的設計師先會感受到當中的差異。

    行貨來了!日製商務機王 VAIO Z SIGNATURE EDITION 性能實測-29
    ▲ 大型固定式觸控板塗層相當順滑,而且操作精準無飄移,左右實體按鍵亦獲得保留,確保快速點擊和操作能夠準確無誤。

    行貨來了!日製商務機王 VAIO Z SIGNATURE EDITION 性能實測-30
    ▲ 深灰色的「VAIO」標誌低調務實,完全 FIT 晒我一貫的作風 ~ 

    行貨來了!日製商務機王 VAIO Z SIGNATURE EDITION 性能實測-31
    ▲ 鍵帽之間的距離、觸控板的擺放都相當合理,本 YK 的大手掌亦不會覺得有任何難適應之處。

    行貨來了!日製商務機王 VAIO Z SIGNATURE EDITION 性能實測-32
    ▲ VAIO Z 重點係採用 H 尾綴的處理器,代表性能比一般超輕薄筆電強大。

     行貨來了!日製商務機王 VAIO Z SIGNATURE EDITION 性能實測-33
    ▲ 一塊 14 吋 4K 3840 X 2160 的 16:9 HDR 屏幕,仲要係防反光磨砂面! 你睇我上面左右打爆燈都只係見到少少光暈咋; 呢塊屏幕覆蓋 99.8% DCI-P3 色域,而且支持節能刷新技術,會比一般 4K 屏幕省電。

    行貨來了!日製商務機王 VAIO Z SIGNATURE EDITION 性能實測-34
    ▲ 支持 Windows Hello 登入的 200 萬像素視像會議鏡頭,左右兩個收音孔位置食到正,確保開會時對方能夠聽到你清晰的發言。

    行貨來了!日製商務機王 VAIO Z SIGNATURE EDITION 性能實測-35
    ▲ 另一個商務機必備的功能:實體 CAM 擋板,唔用的時候就直接推擋板把視像鏡頭完全擋住,杜絕比人偷偷開你 CAM 偷睇你的風險。

    行貨來了!日製商務機王 VAIO Z SIGNATURE EDITION 性能實測-36
    ▲ 實體 CAM BLOCK 配合實體收音咪開關,VAIO Z 有埋指示燈就更清楚。

    行貨來了!日製商務機王 VAIO Z SIGNATURE EDITION 性能實測-37
    ▲ 左右窄邊框的設計,但留意碳纖維縫接位係會有少許不平整,根據官網提示屬於正常碳纖維物料的特性。

    行貨來了!日製商務機王 VAIO Z SIGNATURE EDITION 性能實測-38
    ▲ 值得稱讚係 VAIO Z 沒有過份追求四窄邊潮流,反而保留頂邊粗 BAR 的做法,好處是能強化邊框的堅固度及留空間保證信號接收的良好。

    行貨來了!日製商務機王 VAIO Z SIGNATURE EDITION 性能實測-39
    ▲ 呢個電源鍵有小玄機,佢同時都係一個指紋識別器! 你估唔到掛,因為個樣完全唔似。

    行貨來了!日製商務機王 VAIO Z SIGNATURE EDITION 性能實測-40
    ▲ 更令我驚訝的是,電源鍵綠燈有一個相當貼心的設計;綠燈做了傾斜面,意味住平時用戶工作視覺只會見到淡淡窄窄一條綠線,不會見到大面積綠燈而影響注意力。 個情況就好似你入戲院睇戲,設計差的戲院「EXIT」燈好好光,影響你睇片的注意力一樣。


    各項性能測試
    性能絕對係 VAIO Z 的賣點,在同屬輕薄機類別中,佢敢於採用 H 尾綴的高性能 i7 移動晶片,意味住對於散熱的設計、供電的穩定都有更高的要求。 而作為旗艦機,除了處理器性能要強之外,其他的規格亦不能馬虎,VAIO Z 港行版頂級配置有 32GB RAM 和 2TB SSD,Ultrabook 可以剪片的傳說睇黎可以由 VAIO Z 黎展開。 咁當然,咁薄咁輕的機身,無可能再加入獨立顯示卡,而 11 代 Intel 的 GPU 單元亦以高性能做賣點。 

    規格一覽
    行貨來了!日製商務機王 VAIO Z SIGNATURE EDITION 性能實測-41
    ▲ VAIO Z 所採用的是 Intel 第 11 代採用 10nm SuperFin 制程的 i7-11375H 四核心八線程處理器,Intel 官網列明最高可達到 5GHz 超高頻,亦擁有 12MB 快取記憶體;而 VAIO Z 呢款處理器屬於 35W 高性能版,並非 28W 的閹割版。

    行貨來了!日製商務機王 VAIO Z SIGNATURE EDITION 性能實測-42
    ▲ 內置 32GB LPDDR4x 記憶體,而根據 CPU-Z 所顯示是四通道模式。

    行貨來了!日製商務機王 VAIO Z SIGNATURE EDITION 性能實測-43
    ▲ 全新的 Intel Iris Xe 核顯單元,在 i7-11375H 身上跟其他版本的 i7 有沒有性能上的額外優勢呢?

    行貨來了!日製商務機王 VAIO Z SIGNATURE EDITION 性能實測-44
    ▲ 主機板廠商是 VAIO 自己搞翻,而 BIOS 就交比 Phoenix 公司去製作。

    開機速度
    行貨來了!日製商務機王 VAIO Z SIGNATURE EDITION 性能實測-45
    ▲ 開機需要 11 秒才完成系統啟動,再過 15 秒時間就完成載入,一般而言 30 秒內完成整個啟動都算快速。

    綜合性能
    行貨來了!日製商務機王 VAIO Z SIGNATURE EDITION 性能實測-46
    ▲ 在 Novabench 綜合性能測試中,VAIO Z 獲得 2436 分,對比我最近測試過的一部 i7-1165G7 筆電,VAIO Z 分數都係擁有絕對優勢,四個項目得分各自領先 10% - 25% 左右。

    SSD 測試
    行貨來了!日製商務機王 VAIO Z SIGNATURE EDITION 性能實測-47
    ▲ 呢個 NVMe SSD 的代碼應該就是三星首款 PCIe Gen 4 的 OEM 版 PM9A1 固態硬碟;聽聞是 980 PRO 的 OEM 版本,主控晶片是一樣的。

    行貨來了!日製商務機王 VAIO Z SIGNATURE EDITION 性能實測-48
    ▲ 在連續讀寫結果中,VAIO Z 獲得 4538mB/s 和 4561mB/s 的成績;而多工隨機讀寫 (4K Q32T1)達 369mB/s 和 503mB/s 速度;對比起 Gen 3 速度當然快,如果對比零售版的 980 PRO 似乎速度上還有一些距離。 但讀寫速度上到幾千 mB/s 基本上你都分唔到個差距,我會寧願選擇重視溫度控制。

    CPU 處理器性能
    重頭戲黎了,到底 VAIO Z 所搭載的 11 代 i7-11375H 性能係咪真係如官方所講咁強大呢?  同普通版 i7 (例如 i7-1165G7)比較又有幾大優勢? 最重要係,VAIO Z 普通模式,性能模式下的差異又有幾多呢? 處理器性能測試當然要用 Cinebench R23 黎實測喇!

    行貨來了!日製商務機王 VAIO Z SIGNATURE EDITION 性能實測-49
    ▲ 一般模式下在 Cinebench R23 版測試中,VAIO Z 的 i7-11375H 單核心獲得 1475 分,就咁睇係差過 i7-1165G7 的 28W 版。

    行貨來了!日製商務機王 VAIO Z SIGNATURE EDITION 性能實測-50
    ▲ 而多核心表現獲得 5976 分,分數超過 i7-1165G7 的 28W 版近 1000 分; 但咁樣的結果,我覺得只係贏得好險。 一旦 VAIO Z 面對突如其來的 High Demanding 的工作時,例如剪片、跑程式,性能無人會嫌多。

    行貨來了!日製商務機王 VAIO Z SIGNATURE EDITION 性能實測-51
    ▲ 高性能模式下在 Cinebench R23 版測試中,VAIO Z 的 i7-11375H 單核心獲得 1560 分,立刻恢復應有的水平。

    行貨來了!日製商務機王 VAIO Z SIGNATURE EDITION 性能實測-52
    ▲ 而多核心表現更獲得 6181 分,拋離晒 i7-1165G7 28W 版,實在驚人; 當然,一旦開啟高性能模式,處理器被 CHUR 盡的話,散熱風扇都會呼呼作響,缺點係嘈,但短暫的嘈可以保證高火力輸出,更快完成你手頭上的工作,亦確保 VAIO Z 不會因為過熱而降低處理器工作效率。 十足動畫高達裡面的「爆 Seed」或者「Trans-Am」模式 ~

    GPU 圖像處理性能
    行貨來了!日製商務機王 VAIO Z SIGNATURE EDITION 性能實測-53
    ▲ 在 Basemark GPU 標準測試的 4K Vulkan 1.0 測試中得到 1600 分;對比以前的 UHD 核顯自然拋離幾倍;更重要係證明左 Nvidia 萬年入門顯卡可以收埋了,放多舊野但圖像處理性能無優勢, Iris Xe 核顯性能足夠有餘。

    行貨來了!日製商務機王 VAIO Z SIGNATURE EDITION 性能實測-54
    ▲ 而在 4K DirectX 12 測試中獲得亦 1417 分, i7-11375H 的 Iris Xe 核顯得益於主頻率較高,所以測試結果亦比 i7-1165G7 28W 版好。

    電力續航測試
    行貨來了!日製商務機王 VAIO Z SIGNATURE EDITION 性能實測-55
    ▲ 檢測軟件顯示電池生產商係 VAIO 自家出品,官方宣稱內建 53Whr 大電量; 雖然官方發佈會寫最高 34 小時續航力,但明眼人都知道這個是文書工作才有可能達到的續航時間。 畢竟強大的處理器,耗電是必然的事實。

    行貨來了!日製商務機王 VAIO Z SIGNATURE EDITION 性能實測-56
    ▲ 果然,係 Full Load 測試只能跑出 2 小時的續航力,意味住如果你真係有辦法 CHUR 盡 VAIO Z 的極限性能,那麼你最少也會有 2 個小時可用。

    行貨來了!日製商務機王 VAIO Z SIGNATURE EDITION 性能實測-57
    ▲ 而利用 Chrome 做播放指定的 720p 解析度 Youtube 影片恆常測試中(亮度最暗、WiFi 附近); 過了 62 分鐘後 VAIO 還有 90% 電量,也就是說可以連續觀看 Youtube 10 小時,而這個數值跟外國 VAIO 官方聲稱的 10.5 小時吻合。


    總結
    截稿時 VAIO HK 的官網上依然是預購狀態,SIGNATURE BLACK 顏色的碳纖紋路版本,給你最高容量的 RAM (32GB)、最大容量的 SSD(2TB)、最高解析度 4K 的 HDR 屏幕。 而且強韌的全碳纖機身市面上暫時未見有其他廠跟得到 VAIO 的技術方案。 比較吸引自然是採用高性能 H 尾綴的處理器,商務精英經常要埋門一腳先要出全力勁射,要在極短時間內完成手上的任務。日本製造 VAIO Z 及其高硬件配置絕對無得頂,而造工和細節上亦能體驗到日本人的謹慎和功力。

    作為一部頂級商務機王,VAIO Z 係咪毫無弱點呢? 當然唔係,激進的 I/O 接口方案,踢走傳統 USB-A 的接口,但如果又無原裝附送一條轉接線,變相要用戶自己購入一條 USB-C 的 OTG 線(也是 Android 用戶必備的線材)。 而另一個缺點,客觀講應該係本 YK 個人的缺點:荷包深度不足啊! 但其實,香港預售價格港幣 33980 元比中國市場定價 RMB 29888 元(折合港幣 35600 元)平左千幾蚊。

    重要的係,VAIO Z 一黎就有 36 個月機體保養(電池、火牛是 12 個月保養),無人想用維修服務,但只怕萬一咋,保養長唔好咩? 最後提醒一下打算買機的朋友,如果用公司地址購買 VAIO Z 係會獲得上門維修服務架! 當然,咁貴重的工作拍檔,最好係有實機可以摸下揸下係咪? 等多一兩個星期預購期結束後,月底網友們就可以落大鋪睇真機試下手喇!
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁