主題:罕見相架型設計:實測 AVITA MAGUS 14 多合一觸控筆電!

  • 發表時間:2021-09-30 20:42 收錄檢舉
    市場上一般的見到的筆電產品,一般有兩種形態:傳統開蓋方式,最多加個翻芒設計; 另一個係超薄平板狀態、外加鍵盤方案。 但估唔到早幾個星期,見到 AVITA 竟然有另一個新玩法的筆電產品:MAGUS 14。 呢部機比較特別係,官方號稱多合一筆電,但實際上我的體驗結論係,最適合作爲床頭、書檯的小電腦,作爲一款經濟型蝸居娛樂設備。 下面帶大家睇下呢款「咁特別」的 MAGUS 14 筆電喇!

    罕見相架型設計:實測 AVITA MAGUS 14 多合一觸控筆電-0

    真機外觀
    當初無點留意 AVITA MAGUS 14 正式登錄香港,原因係見到官方宣傳圖仲以爲係普通平板電腦,點知有日朋友問起話未見過咁有趣的產品,先知道原來係特別野黎。 機身厚度有成 16mm,對比其他 Windows 平板電腦厚成倍!  但個芒又有 14 吋咁大,而且鍵盤又可以隨拆隨裝黎用,到底呢種有趣 「FormFactor」係乜體驗呢?。 最重要係價錢吸引,平少少的型號係 3990 元(Intel Celeron N4020),貴版本係 5490 元(Intel i3-10110U)。 但其實官網已有折扣優惠,3290 元就可以入手到 N4020 處理器 + 8GB RAM + 128GB SSD 的型號。 姐係你張消費券加幾百就買得到了。

    罕見相架型設計:實測 AVITA MAGUS 14 多合一觸控筆電-1
    ▲ 機體攞出黎已經覺得相當特別,已經可以見到大大隻支架;,官方稱呢種配色「壯麗紫」,其實係噴漆塗層仿金屬質感,不同光線下會有少許漸變效果,確實好吸睛。

    罕見相架型設計:實測 AVITA MAGUS 14 多合一觸控筆電-2
    ▲ 網友可能未必即時理解得到 MAGUS 14 的結構:紫色的部分以及下方黑色的組件,其實係物理上一體化不能分拆。 紫色外殼覆蓋的是主機板、電池、處理器等零件,而黑色部分主要是觸控屏幕,是相當罕見的設計。

    罕見相架型設計:實測 AVITA MAGUS 14 多合一觸控筆電-3
    ▲ 支架部分最大開展角度如圖,能夠達到 90 度;支架上亦備有兩塊防滑膠,提醒相當穩定的防滑效果。

    罕見相架型設計:實測 AVITA MAGUS 14 多合一觸控筆電-4
    ▲ 機身側面分爲兩部分,其中黑色屏幕組件側面分別是電源燈、電源鍵及音量鍵。

    罕見相架型設計:實測 AVITA MAGUS 14 多合一觸控筆電-5
    ▲ 紫色外殼部分,則提供全尺寸 HDMI、USB-C、USB-A 和充電口。

    罕見相架型設計:實測 AVITA MAGUS 14 多合一觸控筆電-6
    ▲ 仲未夠,MAGUS 14 的支架底部隱藏另一組 USB-A、microSD 卡槽(支持最高 256GB 容量)和3.5mm 耳機口;以今日筆電或平板電腦標準黎睇,呢部機的 I/O 接口相當豐富。

    罕見相架型設計:實測 AVITA MAGUS 14 多合一觸控筆電-7
    ▲ 機身後方頂部具有大型散熱出風位,允許機內散熱風扇吹出熱風。

    罕見相架型設計:實測 AVITA MAGUS 14 多合一觸控筆電-8
    ▲ 眼利的網友可能已經發現,MAGUS 14 機身底部具有 4 PIN 金屬接點,能夠以微磁吸的方式外接專用鍵盤。


    屏幕本體
    罕見相架型設計:實測 AVITA MAGUS 14 多合一觸控筆電-9
    ▲ 老實講,MAGUS 14 呢塊全高清觸控芒真係令人又愛又恨:市面上你想問 14 吋大芒平板? 我一時間都想不起。 

    罕見相架型設計:實測 AVITA MAGUS 14 多合一觸控筆電-10
    ▲ 但令人恨的地方係,屏幕所採用的技術明顯是以前「台灣牌子平板電腦」果種「空氣層」技術,屏幕表面偏軟,與顯示面板亦具有一段距離,這種情況下是不利戶外高光的環境;亦因爲屏幕軟身的關係,你如果係光亮度高的地方,會好明見到屏幕表面似波浪咁,未必人人能夠接受到。

    罕見相架型設計:實測 AVITA MAGUS 14 多合一觸控筆電-11
    ▲ 但幸好此機如果用途係定位室內的話,本身個芒亮度相當足夠,實際感受係色彩表現唔刺眼好舒服,收工翻屋企床上睇片係相當正。


    鍵盤合體
    罕見相架型設計:實測 AVITA MAGUS 14 多合一觸控筆電-12
    ▲ 官方原裝鍵盤採用短絨面方案,所以係會比較容易整污糟。

    罕見相架型設計:實測 AVITA MAGUS 14 多合一觸控筆電-13
    ▲ 雖然叫做外置鍵盤,但佈局大小合理,係屬於正常 14 吋筆電應該有的佈局。

    罕見相架型設計:實測 AVITA MAGUS 14 多合一觸控筆電-14
    ▲ 按鍵手感出乎意料地好,打字爽快程度甚至比某 Windows 平板鍵盤仲要好打!

    罕見相架型設計:實測 AVITA MAGUS 14 多合一觸控筆電-15
    ▲ 觸控板塗層物料順滑,橫長形設計亦有助 16:9 橫型芒上獲得更佳的滑鼠定位效果。

    罕見相架型設計:實測 AVITA MAGUS 14 多合一觸控筆電-16罕見相架型設計:實測 AVITA MAGUS 14 多合一觸控筆電-17
    ▲ 鍵盤亦可以透過磁條進行二段式角度調整:一係躺平、一係起角,視乎用戶對打字手感的要求。

    罕見相架型設計:實測 AVITA MAGUS 14 多合一觸控筆電-18罕見相架型設計:實測 AVITA MAGUS 14 多合一觸控筆電-19
    ▲ 如果從側面睇就好似上圖對比,一個具傾斜度,一個可以貼平檯面黎用。


    外購觸控筆
    罕見相架型設計:實測 AVITA MAGUS 14 多合一觸控筆電-20
    ▲ 鍵盤就係跟機送埋,而 AVITA UBIQUE ST01 觸控筆係需要獨立買,官網顯示售價 119 元。

    罕見相架型設計:實測 AVITA MAGUS 14 多合一觸控筆電-21
    ▲ 打開筆蓋會見到類 Adonit 設計的圓盤觸控盤,設計上聲稱會比一般電容觸控筆更準確。

    罕見相架型設計:實測 AVITA MAGUS 14 多合一觸控筆電-22
    ▲ 另一邊係粗頭導電布觸控筆;而實際體驗中,呢個布頭好舒服,好過上面圓盤筆頭,因爲 MAGUS 14 屏幕屬於軟膠物料,膠對膠摩擦系數提升,流暢度表現一般。 但導電布頭接觸面積大,提高屏幕觸控的敏感度之餘,摩擦系數亦非常低。 大大力點擊屏幕亦準確無誤。


    各項性能測試 
    規格一覽
    AVITA MAGUS 14 規格上不強勁,你見到兩款型號選擇都係屬於入門型處理器,分別 Intel Celeron N4020 和我手上持有的 i3-10110U。 而如果你只係需要普通上網、大芒睇片、收發電郵玩小遊戲的話,呢個年代已經無乜處理器滿足唔到你要求喇。 所以,睇預算做人 ~

    罕見相架型設計:實測 AVITA MAGUS 14 多合一觸控筆電-23
    ▲ 本 YK 手上持有的版本是採用 Intel i3-10110U 雙核心四線程處理器,沿用 Intel 舊代 14nm 製程技術。

    罕見相架型設計:實測 AVITA MAGUS 14 多合一觸控筆電-24
    ▲ 今次主機板自己搞,而 BIOS 改爲委託美方工廠製作。

    罕見相架型設計:實測 AVITA MAGUS 14 多合一觸控筆電-25
    ▲ 不論是什麼版本的 MAGUS 14 一律採用 DDR4 8GB 記憶體並支持雙通道模式!

    罕見相架型設計:實測 AVITA MAGUS 14 多合一觸控筆電-26
    ▲ 入門規格筆電自然採用內置 GPU 顯示單元。

    開機速度
    罕見相架型設計:實測 AVITA MAGUS 14 多合一觸控筆電-27
    ▲  開機需要 13 秒就完成系統啟動,速度一般;再過 17 秒就完成載入程序,剛好達到「30 秒」開機的要求。

    綜合性能
    罕見相架型設計:實測 AVITA MAGUS 14 多合一觸控筆電-28
    ▲ 預設狀態下進行 Novabench 綜合測試,得分 1058 分,整體分數符合規格應有的表現。

    SSD 測試
    罕見相架型設計:實測 AVITA MAGUS 14 多合一觸控筆電-29
    ▲ MAGUS 14 沿用 SATA 制式 SSD 設計,來自中國品牌 FORESEE 的產品。

    罕見相架型設計:實測 AVITA MAGUS 14 多合一觸控筆電-30
    ▲ 在連續讀寫結果中,MAGUS 14 獲得 554mB/s 和 512mB/s 的成績;而多工隨機讀寫 (4K Q32T1)達 116mB/s 和 195mB/s 速度,速度表現足夠應付日常輕度文書用途。

    CPU 處理器性能
    罕見相架型設計:實測 AVITA MAGUS 14 多合一觸控筆電-31
    ▲ 老實講, 入門機其實無乜性能測試要求,畢竟是價格和性能的妥協,但 MAGUS 14 表現依然相當不錯,係 Cinebench R23 的跑分中獲得單核心 1015 分、多核心 1702 分; 而 MR Ratio 是 1.68x,意味住預設狀態下多核心性能有少許減弱。 

    GPU 圖像處理性能
    罕見相架型設計:實測 AVITA MAGUS 14 多合一觸控筆電-32
    ▲ 在 Basemark GPU 標準測試的 4K Vulkan 1.0 測試中,MAGUS 14 憑着老朋友 Intel UHD Graphics 獲得 348 分; 但呢粒處理器原生支持 4K 60Hz 解碼,睇靚片毫無難度。 

    電力續航測試
    罕見相架型設計:實測 AVITA MAGUS 14 多合一觸控筆電-33
    ▲ 跟機火牛輸出模式19V/2.1A,只有 40W 不到的功率。 但實際上寧願要細唔要大,後面本 YK 會再解釋。

    罕見相架型設計:實測 AVITA MAGUS 14 多合一觸控筆電-34
    ▲ 內建約 37 Whr 的電池容量,以 14 吋普通筆電黎講當然屬於少;但需要注意是 i3 版本的 MAGUS 14 才擁有 37Whr 容量;如果選擇 Celeron 處理器版本的話,降低到只有 24Whr 電池。 到底 AVITA 玩緊乜呢?

    罕見相架型設計:實測 AVITA MAGUS 14 多合一觸控筆電-35
    ▲ 在 Full Load 燒電測試中獲得超過 6 小時的成績,呢個 37Whr 容量黎講算係好表現。

    罕見相架型設計:實測 AVITA MAGUS 14 多合一觸控筆電-36
    ▲ 利用 Chrome 做播放指定的 720p 解析度 Youtube 影片恆常測試中(亮度最暗、WiFi 附近); 但今次我掛住睇電影,睇左 2.5小時先記得自己做緊電量測試,但 MAGUS 14 竟然仲有 74% 電量! 姐係話,如果你睇 Youtube 極限可以睇到最長可以睇到 9 小時! 有少少出乎意料。


    結論
    最近幾年筆電市場中,AVITA 算係創意十足的廠商,今次部 MAGUS 14 外觀設計深得本 YK 歡心,功能性導向相當強,能夠勝任家庭娛樂機或桌面電腦副機等用途。 本 YK 傾向拆走鍵盤,改用 Windows 10 內置觸控式鍵盤配觸控筆,機身佔據檯面空間就極少,而且最得意係佢可以當大型相架,14 吋屏幕開住個幻燈片模式,自己會係咁 LOOP 家庭相,放係客廳成爲裝飾品一部分。機身 1.4KG 在室內短距離移動亦毫不費力。

    對比普通平板電腦,MAGUS 14 卻擁有相當齊全的 I/O 接口,要 HDMI 出大電視佢得;要插 HDD DOCK 佢又得;上床放餐盤桌睇片又得;要開工做野就插翻個鍵盤落去好打好用,成隻鐵甲萬能俠咁。目前用落都相當爽,美中不足當然係軟身的空氣層屏幕,最希望係可以改用磨砂面觸控版,但成本又肯定會高一大截。 我都知無野係完美,價格妥協下搵到適合自己用的產品就當贏左喇!
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁