主題:蘋果產品開倉 $2000 有找買 iPad 仲有一年保 抵?

ePrice HK
  • 發表時間:2019-02-28 20:29 收錄檢舉
    每逢說起特賣場、開倉,都會特別多網友留意,證明不少網友都好像版主一樣,鍾意去掃平貨,就算沒有甚麼東西想買,但都會想了解下先。明日起至 3 月 3 日,蘋果產品清倉減價,最平 $2000 有找買到 iPad 還要有保養,網友認為是否抵價呢?看下文啦!

    蘋果產品開倉 $2000 有找買 iPad 仲有一年保 抵?

    不過,先戴定頭盔,今次要說的清貨活動,是位於九龍灣的 HKPCMALL,經常被網友說「有伏」,所以是否去買,你要諗諗,還是會有一定風險。儘管如此,每次辦開倉,都會有不少人一早去排隊,聽說有些人甚至會朝早 5 點已經在排,實在是太誇張,又會否是 ePrice 的其中一位網友呢?表情 #4

    從 HKPCMALL 的網站,我們可以即時見到還有甚麼清倉貨品,當中見到有一大堆蘋果產品做清貨,但大部份都是沒有保養,你要抱着買二手機的心態,就對了。然而,眾多蘋果產品之中,就只有 iPad Wi-Fi 32GB 太空灰寫住有「12 個月保養」,賣價只是 $1998,二千蚊有找,又好像還算抵玩,而且貨量為「中」,而不是「少」。

    事實上,並不是只有 Apple 產品有優惠,仲有不同品牌的筆電都會有「優惠價」,不過係咪抵玩,就見仁見智。按呢度或者按下圖,可以睇到有咩賣。

    蘋果產品開倉 $2000 有找買 iPad 仲有一年保 抵?

    蘋果產品開倉 $2000 有找買 iPad 仲有一年保 抵?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁