主題:Samsung 平價千元平板低調上市!但規格仲衰過前代?

ePrice HK
  • 發表時間:2015-04-09 20:40 收錄檢舉
    近日版主行場時就發現大鋪俏俏地推出左一部 Samsung 平板,賣價一千蚊唔洗。以 Samsung 呢個大牌子來講,新推出的平板賣價竟然咁平理論上應該好多人提先係,不過奇怪在除左某大鋪網站之外係有關呢部新 Samsung 平板的資料實在相當少,連香港官網都未有介紹!同時係深水埗場內又有名稱賣價都相近但規格卻唔一樣的 Galaxy Tab 3 出現。到底係咩一回事呢?今次版主就同大家分享下啦!icon

    Samsung 平價千元平板低調上市!但規格仲衰過前代?
     

    2015 年 3 月推出, Samsung 平元平板低調到官網都無提?

    係 3 月的時候,有大鋪的官網就新增左一部名為 Samsung Galaxy Tab 3 7.0 WiFi 的平板,型號係 T113 ,而建議售價不過係 $998 !但係呢部 Tab 3 推出得相當低調,除左香港 Samsung 官網都無介紹之外部份規格亦係未有詳細資料。版主搵左一輪資料終於發現呢部平板雖然係 2015 年 3 月推出,不過規格同 Samsung 係 2013 年推出 Samsung Galaxy Tab 3 7 吋版本其實分別真係唔大,某程度上仲可以話呢部平板係新不如舊添!係規格上呢部新推出的 Samsung Galaxy Tab 3 7.0 WiFi 屏幕係 7 吋 600 x 1024 解像度,處理器就用上左四核心但一樣係得 1GB RAM 同 8GB 內置容量( Samsung 未交待 CPU 牌子同型號)。相機只得 200 萬像素主鏡頭,電量都只有 3600mAh ,而預載 Android 版本就係 4.4 。

    Samsung 平價千元平板低調上市!但規格仲衰過前代?
    ▲ Samsung Galaxy Tab 3 7.0 WiFi 係大鋪到已經可以見到相關資料。
     

    2013 年版本 Samsung Galaxy Tab 3 7.0 深水埗場內仲有得買!規格仲好過新版?

    至於上文提到的 2013 年版本的 Samsung Galaxy Tab 3 7.0 (型號係 T210)係深水埗場內近日版主竟然仲見到,價錢一樣係一千蚊唔使而且以中港聯保為賣點。諷刺地呢部兩年前推出的的平板係規格方面某程度上係仲好過今年推出的 Galaxy Tab 3 的。 2013 年出的 GALAXY Tab 3 7.0 Wi-Fi 屏幕有 7 吋 600 x 1024 解像度,處理器上比 2015 年版本差,只係 Marvell PXA986 雙核心搭 1GB RAM 同 8GB 內置容量。不過,相機同電量呢兩方面係數字上比起 2015 年版本更加係更強,相機鏡頭就係 300 像素主鏡頭搭配 130 萬像素前鏡,電池量就 4000mAh 。預載 Android 版本就係 4.1 。可以見到除左處理器同埋軟件版本呢兩點係 2015 年推出的 Samsung Galaxy Tab 3 比起 2013 年版本好之外,其他方面唔係無變就係更差,唔怪得新出都咁低調啦!大家又點睇呢兩部 Samsung 平板呢?留言講下啦。icon

    Samsung 平價千元平板低調上市!但規格仲衰過前代?
    ▲ 場內近期清貨的 Samsung 平板雖然同大鋪賣緊的 Samsung 平板名稱相似,但係規格就略有分別(竟然係 2013 年版係相機電量方面都好過 2015 年版。 icon

    在文章發佈的時侯, Samsung Galaxy Tab 3 7.0 WiFi 賣價 $998 ,按此看詳細規格和最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁