主題:劈價賣斷市! 三星用家開箱試玩 Lenovo Tab P11 Pro 實測

  • 發表時間:2021-03-01 09:56
    大家有無見到版主坤哥早前分享的著數情報? 正所謂手快有手慢無,Lenovo Tab P11 Pro 著數價暫時係賣斷市,要等下一輪補貨喇! 要知道 Android 平板電腦市場上選擇不多,有推出平板的廠商本身都越來越少,所以有網友 Inbox 問本 YK 到底呢部平板電腦同三星 Tab 系列比較,到底有幾大分別和差距? 貴爲三星 Tab S7 長期用戶,本 YK 就爲大家搞翻個 Tab P11 Pro 實測,順便分享埋佢同 Tab S7 的一些細節上分別。 開箱喇!

    劈價賣斷市! 三星用家開箱試玩 Lenovo Tab P11 Pro 實測

    開好多個箱
    Lenovo 呢款平板定位相當聰明,規格係避開三星平板,但又能夠補充到市場上的缺口,想買平板的用戶黎講,多一個平價但不失質素的選擇。本 YK 建議各位網友,可以先閱讀之前有關三星 Tab S7 平板的評測,因爲 Tab S7 系列和 Lenovo Tab P11 Pro 外觀上真係好似,連配件玩法都相當接近,可以話係睇住三星黎打。 但,能否打得贏呢? 

    劈價賣斷市! 三星用家開箱試玩 Lenovo Tab P11 Pro 實測劈價賣斷市! 三星用家開箱試玩 Lenovo Tab P11 Pro 實測
    劈價賣斷市! 三星用家開箱試玩 Lenovo Tab P11 Pro 實測劈價賣斷市! 三星用家開箱試玩 Lenovo Tab P11 Pro 實測
    ▲ Lenovo Tab P11 Pro 原價係 4999 元淨機身,但如果真係直接賣呢個價無疑是 GG 左,隔離三星旗艦平板 Tab S7 都係 4988 元規格完勝。但如果黎到大鋪聯手劈價的 2999 元又唔同講法 ~ 難怪立刻賣斷市,大家要買就要等補貨。

    劈價賣斷市! 三星用家開箱試玩 Lenovo Tab P11 Pro 實測
    ▲ 速遞朋友一聲叮噹,貨就到我手上;咁吸引的價錢令到 Lenovo Tab P11 Pro 又好似再靚仔左好多。

    劈價賣斷市! 三星用家開箱試玩 Lenovo Tab P11 Pro 實測
    ▲ 賣點都相當清晰:超輕薄、2K 屏幕、杜比視覺 + 聲效、JBL 加持四喇叭,一睇就知道係睇片爽歪歪的產品。

    劈價賣斷市! 三星用家開箱試玩 Lenovo Tab P11 Pro 實測
    ▲ 配件有火牛和充電線,還有卡針。 係呀,手上這部 Lenovo Tab P11 Pro 係 LTE 平板黎。

    劈價賣斷市! 三星用家開箱試玩 Lenovo Tab P11 Pro 實測
    ▲ 好耐未見過有手機、平板廠商會係充電線放魔術收整帶,線材造工亦相當好。 

    劈價賣斷市! 三星用家開箱試玩 Lenovo Tab P11 Pro 實測
    ▲ 火牛支持 5V/3A、10V/2A、12V/1.67A 三種輸出模式。

    劈價賣斷市! 三星用家開箱試玩 Lenovo Tab P11 Pro 實測
    ▲ 11.5 吋 OLED 屏幕擁有 2560 X 1600 解像度,自動模式下最高亮度達到 500nit 高光,同時擁有高達 108% NTSC 色域及支持 HDR10,並獲得 Dolby Vision 加持!

    劈價賣斷市! 三星用家開箱試玩 Lenovo Tab P11 Pro 實測
    ▲ 比較特殊係有兩個 800 萬像素前置鏡頭,可以做出實用性唔高的虛擬景深效果。 

    劈價賣斷市! 三星用家開箱試玩 Lenovo Tab P11 Pro 實測
    ▲ 左邊是 11.5 吋屏幕的 Lenovo Tab P11 Pro,右邊是 11 吋屏幕的三星 Tab S7;兩者窄邊框設計都差不多,當然前者整體機身會大多一個碼。

    劈價賣斷市! 三星用家開箱試玩 Lenovo Tab P11 Pro 實測
    ▲ 數值上 Tab P11 Pro 厚度是 5.8mm,而三星 Tab S7 厚度是 6.3mm; 而前者電量達到 8600mAh,後者只有 8000mAh,睇落去當然是 Lenovo 優勝,但續航力呢? 嘻嘻。

    劈價賣斷市! 三星用家開箱試玩 Lenovo Tab P11 Pro 實測
    ▲ 機背頂部有信號天線塗線,而全金屬外殼質感相當好,冰冷磨砂質感好爽。

    劈價賣斷市! 三星用家開箱試玩 Lenovo Tab P11 Pro 實測
    ▲ 機身印有「Dolby VISION ATMOS」字樣,代表 Tab P11 Pro 不論是喇叭聲效和視覺效果上,都擁有杜比系統加持,開住喇叭睇電影會有相當好的體驗。

    劈價賣斷市! 三星用家開箱試玩 Lenovo Tab P11 Pro 實測
    ▲ 配備 1300 像素自動對焦鏡頭和 500 萬像素超廣角鏡,都係跟足三星的配置,但鏡頭質素大家就唔好太高要求,平板的攝影用途主要都係拍攝紙本文檔, Tab P11 Pro 的鏡頭尚可勝任此類拍攝工作。

    劈價賣斷市! 三星用家開箱試玩 Lenovo Tab P11 Pro 實測
    ▲ 機身左右兩側各有 2 組喇叭,電源鍵同時身兼指紋識別器。

    劈價賣斷市! 三星用家開箱試玩 Lenovo Tab P11 Pro 實測
    ▲ 話明係 LTE 平板,自然支持插卡和插卡:分別是 SIM 卡和 microSD 卡。

    劈價賣斷市! 三星用家開箱試玩 Lenovo Tab P11 Pro 實測
    ▲ 但需要留意係,電源鍵盤的設計相當貼近角落,而且跟音量鍵分開在不同方向,我經常摸唔到 / 摸錯開關。

    劈價賣斷市! 三星用家開箱試玩 Lenovo Tab P11 Pro 實測
    ▲ 獨立式音量鍵按壓感清脆,值得留意係電源鍵盤做成「平邊對齊」,不容易因爲放在袋內而誤觸開關。

    劈價賣斷市! 三星用家開箱試玩 Lenovo Tab P11 Pro 實測
    ▲ 機身另一側具備 USB 3.2 Gen 2 的 USB-C 接口及另外兩個獨立喇叭;呢部平板係支持反向輸出電力,可以幫其他手機充電。

    劈價賣斷市! 三星用家開箱試玩 Lenovo Tab P11 Pro 實測
    ▲ 至於旗艦平板電腦一般都擁有金屬接點(連接官方專用鍵盤),Tab P11 Pro 亦都擁有。


    官方配件一覽
    機體固然係主角,但官方是否有足夠配件支持亦相當重要,例如保護套,鍵盤,手寫筆呢三大護法,能夠大幅度增加用戶生產力。 Tab P11 Pro 有齊呢堆必備配件,全套三件需要另外加錢,699 + 199 + 499 = 1188 元就有齊鍵盤、保護套、觸控筆三寶了。 呃,我上面條算式係無計錯,因爲官方打包買係有折扣架!

    劈價賣斷市! 三星用家開箱試玩 Lenovo Tab P11 Pro 實測
    ▲ 官方出品的 Precision Pen 2 支持 4096 級壓力感應,呢隻筆夠粗,同一般六角掃描用鉛筆手感相當近似,握筆感非常正。

    劈價賣斷市! 三星用家開箱試玩 Lenovo Tab P11 Pro 實測
    ▲ 打開就會發現三件頭,分別是筆體、矽膠套、固定架。 

    劈價賣斷市! 三星用家開箱試玩 Lenovo Tab P11 Pro 實測
    ▲ 固定架裝係保護套後方,而筆體就套落去矽膠套。

    劈價賣斷市! 三星用家開箱試玩 Lenovo Tab P11 Pro 實測
    ▲ 而矽膠套要用撕開粘貼固定在固定架上,咁就組裝完成。

    劈價賣斷市! 三星用家開箱試玩 Lenovo Tab P11 Pro 實測
    ▲ 但需要留意係,筆體係要充電,充電位置要打開尾部的矽膠蓋,插條 USB-C 入去就可以了;雖然官方聲稱續航力達到 100 小時,但一無電就要充,對於我呢種懶人黎講,PEN 要充電就是唔方便。

    劈價賣斷市! 三星用家開箱試玩 Lenovo Tab P11 Pro 實測
    ▲ 官方 Tab P11 Pro 的套係有兩種,第一種屬於上圖的「純套體驗」,保護套可以作爲支架使用。

    劈價賣斷市! 三星用家開箱試玩 Lenovo Tab P11 Pro 實測
    ▲ 呢款套正面保護性相當高,因爲擁有高硬度和防刮的凹凸矽膠粒面設計。

    劈價賣斷市! 三星用家開箱試玩 Lenovo Tab P11 Pro 實測
    ▲ 背部採用磁吸方案,同三星做法一樣,放埋去就自動吸實,鏡頭位亦完美 FIT 好。

    劈價賣斷市! 三星用家開箱試玩 Lenovo Tab P11 Pro 實測
    ▲ 呢款套係擁有三段式摺疊功能,大家相當熟悉架啦,可以做站立支架,方便放係檯面睇片用。

    劈價賣斷市! 三星用家開箱試玩 Lenovo Tab P11 Pro 實測
    ▲ 官方套仲包多一塊屏幕保護貼比大家用,相當貼心。

    劈價賣斷市! 三星用家開箱試玩 Lenovo Tab P11 Pro 實測
    ▲ 呢款純套的厚度唔算厚,圖中上方係 Tab P11 Pro 加套的效果,對比圖中下方加左鍵盤套的三星 Tab S7 平板; 本 YK 相當喜歡 Tab P11 Pro 加純保護套的手感,揸上去夠薄但好穩定,保護程度令人相當有安全感。

    劈價賣斷市! 三星用家開箱試玩 Lenovo Tab P11 Pro 實測
    ▲ 戲肉來了,官方另一款套:二合一鍵盤套裝!

    劈價賣斷市! 三星用家開箱試玩 Lenovo Tab P11 Pro 實測
    ▲ 盒內就是一個磁吸鍵盤 + 無段式磁吸支架;兩件配件都採用類牛仔布質感的物料,粗糙不滑溜的手感,官方宣稱呢種物料表面是擁有一定防水能力。

    劈價賣斷市! 三星用家開箱試玩 Lenovo Tab P11 Pro 實測劈價賣斷市! 三星用家開箱試玩 Lenovo Tab P11 Pro 實測
    ▲ 無段式調整角度,最大開合角度目測都達到 160 度。

    劈價賣斷市! 三星用家開箱試玩 Lenovo Tab P11 Pro 實測
    ▲ 雖然 Lenovo 宣稱「具有 18mm 間距大小、3mm 字母鍵間距和 1.3mm 按鍵行距」,但實際打落去同 Tab S7 的小鍵盤相若,而鍵盤觸感反而係三星更舒服。

    劈價賣斷市! 三星用家開箱試玩 Lenovo Tab P11 Pro 實測
    ▲ 左側是三星 Tab S7 的鍵盤,而右側是 Tab P11 Pro 的鍵盤,大家可以見到後者係大成個碼,亦可以好似 Tab S7+ 鍵盤套咁加多一列功能鍵。

    劈價賣斷市! 三星用家開箱試玩 Lenovo Tab P11 Pro 實測
    ▲ 同樣裝好鍵盤套,左邊的 Tab P11 Pro 厚度其實跟右邊三星 Tab S7 鍵盤皮套相若,而且 Tab S7 原裝套就有個位直接收埋隻 S Pen,但 Tab P11 Pro 就要另外加係外面,這些都反映左細節位係會差少少。

    劈價賣斷市! 三星用家開箱試玩 Lenovo Tab P11 Pro 實測
    ▲ 需要留意 Tab P11 Pro 鍵盤的磁力接位強度不足。如果你好似我咁,會攞住個平板本體四圍走而令鍵盤「吊吊揈」的話,咁你就要小心喇! 因爲磁力不足鍵盤係會分離跌落地;而 Tab S7 係無呢個問題。


    性能測試
    Lenovo Tab P11 Pro 並沒有採用旗艦處理器,但採用的是效能都相當不錯的高通 S730G 八核心處理器,配備 6GB RAM 和 128GB ROM 儲存空間。 官方一開始售價 4999 元係仲貴過三星 Tab S7,但三星用 8 系旗艦處理器、120Hz LCD 芒、仲要係 8GB + 256GB 的組合。咁 Tab P11 Pro 用 S730G 性能表現又如何呢? 

    劈價賣斷市! 三星用家開箱試玩 Lenovo Tab P11 Pro 實測
    ▲ 整體得分是 278719 分,呢個得分差距 Tab S7 所用的 S865+ 當然差成倍喇。

    劈價賣斷市! 三星用家開箱試玩 Lenovo Tab P11 Pro 實測
    ▲ 而 Geekbench 5 測試單核心獲得 546 分,多核心獲得 1771 分;

    劈價賣斷市! 三星用家開箱試玩 Lenovo Tab P11 Pro 實測
    ▲ 大家其實見到多核心性能拍得住舊旗艦 S845 處理器。

    劈價賣斷市! 三星用家開箱試玩 Lenovo Tab P11 Pro 實測
    ▲ 而單核心性能係超越舊 S845 處理器,所以唔係 Tab P11 Pro 性能太弱,而係高通最近的 8 系處理器性能都係 OVER POWER 得相當厲害。

    劈價賣斷市! 三星用家開箱試玩 Lenovo Tab P11 Pro 實測
    ▲ 其實 730G 最大弱點係 GPU 性能,如果以「1440p Manhattan 3.1.1 Offscreen」測試結果睇,同 S865+ 對比係落後 2 倍;所以如果你打算用平板電腦,執行高 GPU 需求的工作就要留意。

    劈價賣斷市! 三星用家開箱試玩 Lenovo Tab P11 Pro 實測
    ▲ 美中不足係,Tab P11 Pro 係 Androbench 測試中,連續讀寫速度分別只係得 492MB/s 和 194 MB/s。 我 RECALL 翻大家記憶,幾年前的 UFS2.1 速度都有 700 MB/s 架,宜家新機存取速度講緊係過千架啦! 但好在隨機讀寫速度分別有 136 MB/s 和 123 MB/s,意味住日常頻密存取資料操作都會比較流暢。

    劈價賣斷市! 三星用家開箱試玩 Lenovo Tab P11 Pro 實測
    ▲ 至於大家最期待的電力續航測試,8600mAh 電量在 Geekbench 4 中跑出 9192 分,但我原本以爲可以破萬分。

    劈價賣斷市! 三星用家開箱試玩 Lenovo Tab P11 Pro 實測
    ▲ 整個測試執行大約 16 小時,去到 10% 電量時處理器會自動降頻;呢個結果亦支持官方的說法:「可播放影片/正常日常使用長達 15 小時」。


    針對平板的設計
    大家都知道市場上 Android 平板如果超過 10 吋屏幕, 廠商一般都會幫佢加入仿筆電的操作界面,而 Lenovo 都不例外,幫 Tab P11 Pro 加入相關的界面轉換;而且官方亦有爲觸控筆設計加入相應的預載應用程式。

    劈價賣斷市! 三星用家開箱試玩 Lenovo Tab P11 Pro 實測
    ▲ 預載的軟件就係得咁多,一眼見到晒; 值得留意係官方專登加入「Bamboo Paper」和「Squid」兩款相當出名的 Apps,等大家可以係畫圖、寫 Notes 方面都用得著,一開箱就用得到。

    劈價賣斷市! 三星用家開箱試玩 Lenovo Tab P11 Pro 實測
    ▲ Tab P11 Pro 支持轉換成類筆電界面,同樣係狀態欄點擊切換就瞬間完成。

    劈價賣斷市! 三星用家開箱試玩 Lenovo Tab P11 Pro 實測
    ▲ 個界面最大特色係支持分割頁面、浮動視窗,但用落去就會「硬係差少少野」,主要係 UI 改良出黎未盡完善,起碼對比三星皇牌 DeX 界面依然有一大段差距,但勝在可以輕鬆開到浮動視窗,對於有需要左右睇野的用戶黎講絕對係好過無。


    結論
    上面分享左一連串詳盡的評測分析,Lenovo Tab P11 Pro 用料上絕對不馬虎,外殼造工紮實令人相當有驚喜。如果定位是旗艦價錢的平板,佢肯定唔適合,會比其他對手打爆。 但如果變成 2999 元,甚至 3500 元內到手的平板電腦,呢個定位可以話係暫未有對手(聽聞三星 Tab S7 Lite 黎緊 ~)。 金屬機、超大芒 + 大電的 LTE 平板,有 GMS 服務,官方亦推出完整的配件系列,最重要係我用落去覺得相當爽。 一部可以睇片打法時間,喇叭體驗絕對係頂級水平; 有時又可以出 email 交稿做文字輸入的工作,反正唔打機,一部聲靚芒大續航好的平板,就係好選擇。 而 Lenovo Tab P11 Pro 賣到三千有找,唔買佢仲可以買乜呢?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁