微軟「親生仔」 Surface 3 五月到貨！採用完整 Windows 8.1！
係近幾年，其實大陸廠都推出唔少平價既 Windows 平板，最平去到 $2,000 有找（甚至 $1,000 有找都搵得到，但規格好入門囉），相對之下唔少大廠既 Windows 平板都性價比不夠高，唔知呢部 Microsoft 既親生仔又可唔可以挽回一成呢？佢採用 10.8 吋解像度 1,920 x 1,280 屏幕，不但支援 10 點觸控，亦支援到原廠 Surface 手寫筆，處理器方面採用 Intel 的 Atom x7 1.6GHz 四核處理器，會推出 64GB SSD 配 2GB RAM 和 128GB SSD 配 4GB RAM 版本，亦有 350 萬像素前鏡頭與 800 萬像素主鏡頭，官方指出續航時間有 10 小時播片。同大陸平板唔同既係 Surface 3 強調造工方面，採用左鎂合金作為主要材料，亦有 Surface 自家 Kickstand 支架設計，可以調到不同角度去睇片、進行文書工作，雖然厚 8.7mm 不是誇張，但重量去到 622g 絕對是同級比較笨重的一部機。當然買機會有一年免費的 Office 365 個人版，除左大家常用既 Word 、Excel 、PowerPoint 之外亦有 Outlook、OneNote 等軟件，而一年之間亦有 OneDrive 無限雲端空間。
其實價錢上次版主虎仔都同大家講過，64GB 配 2GB RAM 版本賣 HK$3,888；而 128GB 配 4GB RAM 版本定價是 HK$4,688。大家可以加 $1,048 去換一個超薄身的 Type Cover (實體鍵盤保護蓋），而係網上 Microsoftstore.com 或者指定的零售商例如蘇寧、豐澤、衛訊預訂就會送一支價值 $408 的 Surface 專用手寫筆，當然就係數量有限送完即止。新一代既 Surface 3 好似已經係成熟既產品，但係大家覺得同 iPad 對抗又有冇得打呢？留言講講吧！
▲預訂可以加錢買保護蓋之餘，亦會送一支 Surface 專用的手寫筆，這支筆有 250 級壓力，和被動式的筆有些不同啊
▲除了鍵盤保護蓋，亦有其他配件可以選購，版主對有興趣的就是額外 36W 電源供應是什麼
在文章發佈的時侯，Microsoft Surface 3 定價 $3,888 起，按此看詳細規格和最新賣價。
