小米平板炒價貴 $400!$2,250 你買唔買?
小米平板大陸定價話就話 $1,499 人民幣,計番香港都係 $1,900 港幣左右,而深水埗福仁已經有鋪入左水貨,賣價 $2,250 ,接近貴左 20% !點解香港會賣到咁貴既?咪就係因為大陸炒家囉,根據版主了解,小米平板一開賣就已經炒到接近 $1,700 ~ $1,800 人民幣,接近 $2,200 ~ $2,300 港幣,就算有鋪肯收都表示「冇肉食」。現時 Samsung Galaxy Tab Pro 8.4 (Wi-Fi) 這部採用 Qualcomm S800 的平板也是賣 $2,200 左右,小米平板規格略勝一點,不過講性價比就未必加 Nexus 7 或者 LG G Pad 8.3 抵啦。現時香港小米仍未公佈幾時會開賣小米平板,不過根據版主既觀察,平板市場都係以 3G/4G LTE 平板為主,只有純 Wi-Fi 既小米平板用起來真係有點麻煩,呢個價錢大家又會唔會考慮入一部,定係去等香港行貨呢?
▲想睇番小米平板既表現?可以參考番版主之前既 Hands-on 試玩!
查詢: K Digital 27299881