11 吋 90Hz 護眼屏幕，支持繪畫筆
首先講下屏幕方面，Redmi Pad 2 兒童護眼版用咗 11 吋 2.5K 超高清柔光螢幕，解像度高達 2560 × 1600，ppi 274，支援 10.7 億種色彩，睇片玩遊戲細節豐富，顏色又鮮豔！最正係採用 AG 納米紋理技術，消除 97% 光線干擾，室內外都清晰唔刺眼，減低閱讀同觀影時眼部疲勞。仲榮獲 TÜV Rheinland 三重認證，包括低藍光、不閃頻同晝夜節律，守護細路雙眼健康。螢幕更新率仲有 90Hz AdaptiveSync，切換畫面超流暢，支援嘅 App 同遊戲最高調到 90Hz，玩起上嚟反應靈敏，唔會卡住！柔光螢幕表面模擬紙張質感，書寫時有種紙感觸覺，配埋 Redmi Pad 2 繪畫筆，筆身輕巧握感舒適，無需充電隨時用！套裝預裝 bekids Coloring 應用程式，專為家庭設計，畀你同細路一齊畫畫分享樂趣，仲送 1 個月 VIP 會籍，開 App 註冊電郵就領取，超方便。
配 9000mAh 大電池
效能方面，Redmi Pad 2 兒童護眼版搭載 MediaTek Helio G100-Ultra 處理器，電池就係大亮點，內置 9000mAh 超大電量。小米內部測試顯示，影片播放長達 17 小時、閱讀 22 小時、音樂串流 234 小時、待機高達 86 天，無論追劇定聽歌，全日用都冇問題。仲有小米澎湃 OS 2 系統，支援跨裝置通話，電話響起可以直接喺平板接聽，裝置之間無縫切換，相當方便。支持四喇叭設計
音效部份，平板支持四揚聲器 + Dolby Atmos + Hi-Res Audio，電影遊戲音樂都有沉浸式體驗，細路睇動畫時感覺好正！機身用一體成型金屬設計，觸感細膩，兒童安全保護殼用耐用矽膠，防摔保護一流，背面有支架免手持睇片，底部仲有筆槽收納繪畫筆，用起上嚟超貼心。最後講埋賣價，Redmi Pad 2 兒童護眼版香港建議零售價為 $1399，即日起正式開賣。