Honor Pad X9 外觀設計 + 屏幕
Honor Pad X9 從外觀嚟睇，就同市面一般高階平板電腦無分別，設計相當簡約，機背無乜特別嘅設計，例如唔係好似 Lenovo 平板咁，用上雙色設計概念，相反，佢整體設計都好簡單，灰色嘅機背帶有清晰可見、銀色嘅 Honor 字樣，相當匹配。音量鍵同埋電源鍵，設於前置鏡頭上方嗰條邊度，確保你拎住平板電腦橫向遊戲或者睇片嘅時候，都唔會阻礙到你。另外，機身重量為 499g，拎起上嚟係有少少重，但呢個重量都未至於會影響網友考唔考慮佢，只能說係其中一個小缺點。
屏幕方面，Honor Pad X9 採用咗一塊 11.5 吋芒，解像度為 2000 x 1200，相等於 16:10 嘅長闊比，支持 120Hz 刷新率，雖然唔係完全嘅全面屏，但至少都擁有窄邊框，相當美觀。由於平板電腦缺乏防眩光塗層，意味佢需要達到平板電腦嘅平均亮度，甚至更光，拎出戶外環境時先適合觀看，但缺點係會更加耗電。
以下為 Honor Pad X9 嘅開箱：
▲ Honor Pad X9 包裝盒。
▲ Honor Pad X9 包裝盒底部會有這部平板的賣點。
▲ 打開包裝盒，第一眼會見到 Honor Pad X9 實機。
▲ 沒有任何的配件，只有一枝 SIM 卡針。
▲ 具有 11.5 吋屏幕，支持 120Hz 刷新率。
▲ 前置鏡頭設於較長的邊框位置。
▲ 機背是磨砂質感。
▲ 左上方會有後置鏡頭，寫住 AI CAMERA。
▲ 右側會有電源鍵以及音量鍵。
▲ 左側會有 SIM 卡插槽。
▲ 頂部為喇叭位置。
▲ 底部也有喇叭位置，還有 Type C 充電插槽。
▲ 大屏幕最好的功用，是多視窗操作，我可以一邊上網，一邊睇相，我亦可以在平時玩開的遊戲，雙開操作，操控主號和小號。
Honor Pad X9 性能 + 續航
規格方面，Honor Pad X9 配備咗 Qualcomm Snapdragon 685 處理器，內置 4GB RAM 以及 128GB ROM，整體效能表現相當唔錯，喺進行多任務處理嘅時候，唔會有太大問題。遊戲性能出奇穩定，可以喺中等設定下處理《Diablo》呢隻 game，上限為 30fps，而高預設幾乎唔會改變性能，但由於處理器效能唔夠，遊戲鎖定咗更高嘅解像度同埋幀率上限。至於續航方面，Honor Pad X9 內置 7250mAh 電池，支持 10W 充電，透過 Neflix 觀看 1 小時影片，Pad X9 電池只下降了 6%；而玩 Diablo 遊戲 30 分鐘，以 30fps 上限嘅中等配置下運行，已經用了 8% 電，即大約可以玩到約 6 小時遊戲。
至於具體性能方面，我哋用咗基本幾款跑分軟件，畀大家作個參考：
▲ GeekBench 6。
▲ 3DMark。
▲ PCMark。
Honor Pad X9 相機
作為一部平板電腦，仲要係中階級數，相機自然唔會係重點，但都畀少少大家參考，Pad X9 具有 500 萬像素後置鏡頭，前置鏡頭同樣都係 500 萬像素，而且無閃光燈，可以睇得出，相機一定唔會係佢嘅重點。最好嘅相機，一定都係你手上嘅智能手機。實際拍攝下，當你拍攝靜態照片時，室內拍攝自動對焦速度偏慢，當有輕微移動時，都會有點模糊，但都係嗰句，人哋平板定位唔係 for 影相，而且價錢只係千零蚊，唔好太大要求就是了。
小結
初步試完呢部 Honor Pad X9 平板電腦，無錯相機部分並唔係咁出色，甚至說不上係好，但畢竟佢係一部平板電腦，相機本來就唔係佢嘅專長，再加上佢價錢唔貴，香港建議零售價 $1799，這個價錢無得要求太多，但一般使用算是相當順暢，玩一般要求唔係太高嘅遊戲，都算可以接受，唔會經常出現窒機情況，呢部 Pad X9 所用嘅 S685 處理器，都算係滿足到相較簡單嘅日常使用需求，當然佢只有 4GB RAM，你話要同時處理好多視窗，就可能會有少少吃力。但從價錢嚟睇，性價比算係高，外觀上都靚靚仔仔，造工紥實，平時出街或者搭車睇片，都係一個唔錯選擇。比較埋三星最近推出嘅 Tab A9+，同樣 4GB RAM 但得 64GB ROM，而且一樣價錢就只有 WiFi 版，但就用 S695 處理器，唔知網友又會點樣揀呢？Honor Pad X9 在文章發表時，建議零售價為 $1799，按這裡有詳細規格及最新賣價。
