相信唔少朋友都鍾意食日本零食，因為包裝靚之餘，味道仲唔錯
，而且款式選擇又多，甚少中伏。不過，日本一間小型零食公司 Heart 最近竟然推出一款零食，叫顧客飲廁所水
，究竟搞邊科？跳轉有片睇。[SEP]
呢款名為「もこもこモコレット」嘅粉末清涼飲料，有波子汽水和可樂兩款口味；最爆之處係附送玩具馬桶。砌好玩具馬桶後，將粉末倒入馬桶水箱，然後加水，就會有泡沫從馬桶內湧出
，只要用飲筒充當「搞X棍」將泡沫攪勻就可以將廁所水（清涼飲料）飲用。睇完試玩片段，似乎啡色的可樂味泡沫造型最核突。下次去日本旅行，手信就買呢樣啦！