正所謂「冇咁大個頭，唔好戴咁大頂帽」，偏偏中國人就鍾意演嘢，就算冇能力買真嘢，用假貨山寨都自我感覺良好。於是山寨翻版手機照舊成行成市，最新一部被山寨的手機，其實尚未發表，就係 Samsung Galaxy S8。跳轉睇下搞笑嘅 Detail 位。
[SEP]
Samsung Galaxy S8 發佈會喺 3 月 29 日舉行 ，有傳要到 4 月底先會上市，但大陸已經有手機廠生產咗山寨 Galaxy S8，驟眼睇好似同諜照冇乜分別，實情係手機螢幕四隻圓角係假貨，只係螢幕上面有兩條實色嘅黑條，造成圓角嘅錯覺，另一出賣佢嘅，就係大得過份嘅相機 同旁邊嘅指紋辨識。
不過值得一讚嘅係，山寨廠商非常有商業觸覺，識得把握 Galaxy S8 推出嘅機遇，仲非常細心做埋 Galaxy S8 嘅開機畫面，唔知電池嘅質素又點呢？
資料來源：androidpolice