巴士唔該行埋一邊啦！ Apple Store 新店開幕呀～

YKer 2015-07-29 08:15 | 科技新知

一眾果迷都知道，明日 ( 星期四 ) 會係尖沙咀廣東道搞新店開張。上次小弟去實地考察就發現，分店前面有個 271 巴士總站，但日前巴士公司就出通告，話開張當日總站都要改！ 梗係啦，蘋果開新店個個都要比面呀！



其實通告係尋日張貼，小弟唔少朋友都話蘋果咁霸道，竟然要巴士公司都改站！ 但我又覺得如果開張當日，店門外一路有巴士出出入入，成班果粉得意忘形分分鐘迫到出馬路，容易發生意外架！ 我都轉載個通告比大家參考下：


其實明日早上九點，蘋果店就會有藍精靈同大家開心迎新鋪架啦！ 根據蘋果傳統，新開張有 T-Shirt 之類既野送！睇黎今晚果迷們又要走去排隊，希望今次唔使拍三日三夜～