睇翻大陸媒體報導，網友可以見到呢架車理論性能和設計上都「相同於」 Tesla Model S。講真 Tesla 嘅電動車真係好正，有幸坐過 Uber 一次，真正感受到咩叫高科技。不過，在網上見到有大陸網友將「遊俠 X」 電動車，同 Tesla Model S 做對比，嘩洗唔洗咁似呀 ? 成件事就好似小米平板同 iPad Mini 做對比咁，真係近乎一模一樣，廠商講就話自主設計「中國版 Tesla」，唔講仲以為係買部 Tesla Model S 翻黎貼個「中國版」係前面添。正所謂有圖有真相，先睇下對比圖。
▲ 左圖為遊俠電動車；右圖為 Tesla 電動車
▲ 左圖為遊俠電動車；右圖為 Tesla 電動車
▲ 左圖為遊俠電動車；右圖為 Lexus LF-LC；兩者車尾燈相似度亦相當高。
講真，抄真係好方便，剪剪貼貼唔洗用個腦就搞掂，結果「遊俠們」話只係 482 日就完成整個研發，有評論數據指出，即使係 Tesla 的研發團隊都做唔到一年幾咁短時間內研發成功。最奇怪嘅係，創辦人係無任何嘅工業設計背景，試諗下一個人對汽車無深入嘅認識，何況只有 30 人的團隊又點可能咁短時間研發到「中國版Tesla」呢？
最令外國媒體懷疑的是，發佈會上一直都唔肯俾記者去近距離去影架遊俠電動車，被質疑是直接將 Tesla 電動車來拆過來改裝外殼，有大陸行內人士聲稱，以目前遊俠電動車的研發團隊嘅能力上根本無可能幾個月時間，就可以根據一個現成底盤去做相關工業設計，然後做調校和測試。
有睇過頭文字D嘅網友都見到唔同的賽車手都要經歷過不同的實戰去調校，到今遊俠電動車都未好正式地公開咁去試，甚至未有落地嘅記錄，最好笑嘅係未有任何的落地記錄，未有樣板的車下都可以得出 0-100km/h、續航的相關數據，有續航的數據但又沒有風阻嘅數據，真係奇怪啦！
小弟我 Google 一下創辦人黃修源過往的往積，開發左幾個項目，但個個項目都係失敗收場，仲要堅持左一年都無，記者會上佢講投資充足下可以 2017 年出產到電動車，但到家陣剩下兩年既時間都未做任何的落地測試，叫人如何相信？ 就好似話有選舉咁，即使 2017 俾到你，都可能係一部印有「中國版」既 Tesla，姐係貼牌車！ 到頭來成個計劃都係紙上談兵，所以我話電池先唔會爆炸，因為根本做唔出。。。
來源：GTspirit、techbang