▲ ManulifeMOVE 計劃會送出 Fitbit Flex 或者 Misfit Shine 俾用家。
做運動減保費， 10% 折扣算唔算易拎？
宏利今日就宣佈會推出 ManulifeMOVE 計劃，簡單來講就係即日起到 2015 年前選用 ManulifeMOVE 保險計劃的話，就會送一隻 Fitbit Flex 或者 Misfit Shine 。然後就會跟據用家的運動量而獲得相應的保費減免，最多可以得到一年的 10% 折扣。而計算的方式如下：「 ManulifeMOVE 會員每天平均只須達致 5,000 步，在投保此計劃內的合資格產品時，便可就下一保單年度保費享有 5% 折扣；每天平均達致 7,000 步，便可 享有 7% 的保費折扣，而每天平均達致至少 10,000 步，便可享有 10% 的保費折扣。」
可以見到，宏利今次的計劃係用計步數的方式來睇用家是否達到相關要求，所以理論上大家不用刻意地做運動去換取折扣，呢方面算係容易達到要求的。另外版主查問過相關的計法，當中有啲細節對有興趣的朋友來講就要留意了。 ManulifeMOVE 係會以全年平均步數作為保費減免的標準，當中最少要有 180 日的數據，再去計平均計步值，所以即時有一段時間無計到數據，都未至於會拉低全年平均步行數量嘅。
計劃雖然有創意，但有一定局限性
講完目標算係比較易達到呢個優點後，都要講講版主個人對 ManulifeMOVE 的睇法。個人認為呢個計劃雖然算係創新要求都未算苛刻，但係都有唔少局限。首先 ManulifeMOVE 只會以計步數的方式去作為用家運動量的計算法，雖然簡單但難免有單一化的問題（好像大家游水或者做瑜加計不了多少步了）。不過，計劃上最主要的問題就是 ManulifeMOVE 而家實行的方式必需要依賴 Fitbit 或是 Misfit 的數據去作為保費減免依據，換句話講用家只能在配戴 Fitbit / Misfit 的產品做運動先會有著數，變相係限制左用家的選擇。最後，正如開首所提到，同運動有關的產品或者優惠相信會因為智能穿戴裝置的普及又愈來愈常見，唔知大家又對呢類東西有沒有興趣呢？大家都來講講吧！
▲ ManulifeMOVE 的相關應用程式係目前仍然未正式推出，所以試唔到了。