價錢直逼兩萬！ Google Glass 香港買得到
其實今次並唔係香港第一次有 Google Glass 出現（話晒呢件兩三年前的產品），但有眼鏡零售商開賣就係第一次了。引入左 Google Glass 的眼鏡 88 ，其實係賣緊 Google Glass 探索者版本，型號為 Googel Glass XE-C，係 2013 年 10 月已經面世。當初 Google Glass 係美國上開放比一般人購買時，定價已經唔算平，要 1500 美金（即係 $11633 港幣)。雖然眼鏡 88 未有正式公佈賣價，但係版主分別在 Facebook 專頁以及到指定分店查問，當中 Facebook 專頁回應係 Google Glass 的「淨機價」係 $16000，而眼鏡 88 分店就指整套 Google Glass （包括 Google Glass 眼鏡框以及鏡片［有度數都可以］）連鏡片價錢由 $19200 起。另外，要留意眼鏡並不是即時到貨的，只能夠預訂。而最快都要 1 個月左右才有現貨到手。
▲ 從眼鏡 88 官網可以見到， Google Glass 都有多種選擇。
保養方面有沒有問題？
係價錢上 Google Glass 所費不菲，但應該點都會有一部份朋友有意買來玩下，所以保養上的問題都好值得關注。版主問過之後，大約得出結果係，買完之後要到一個網址登記，之後壞左可以拎起去眼鏡 88 再送去 Google 整。（但版主再去第二間最結果就係自己寄返 Google 整）。但正如前文所述， Google Glass 探索者版本一年前已經停售＋停產，而 Google 方面當然沒有正式引進 Google Glass ，呢點從 Google Store 上的硬體保修中心當中沒有 Google Glass 的資料可以清楚見到。所以 Google Glass 係保養上有沒有問題版主都唔敢講，只可以提大家 Google 從來沒有在港推出 Google Glass 的打算呢！
▲要知 Google 有沒有正式推出某項產品其實好簡單，因為係 Google Store 會有資料的，不止由 Google 自家推出的 Pixel C ，還是由手機廠方付責保養的 Nexus 手機，都有資料。（但就係沒有 Google Glass）
參考：眼鏡 88 官網、 Google Store